Diyarname

Kitabê niştox û pîlot Antoine de Saint-Exupery ê bi namey “Prenso Qij” nawey bi kirmanckî (zazakî) vecêno.

“Prenso Qij” bi namey xo yo orjînal “Le Petit Prince” reya yewîn di serey 1943 de hamey çapkerdiş. A çaxî ra nat heta enka qeybî 210 ziwan û zaravayan hamew açernayişî. Kitabo ke verî qeybî kurmancî hamebî açernayişî û çap bîbî, nawey qeybî kirmanckî hame açarnayişî û enka vecêno.

Niştox Seyîdxan Kurijî kitab açarnawo û Weşanxaneya Hîvda kitab çap kena. Kitabê Prenso Qij heme rengîn hamew hedrekerdiş û enî rocanê vernî ma reseno verê destanê tûtan.

Di kitab de dinyaya pîlan bi çimanê tûtêke yena serê ziwanî. Kitab vîst û hewt beşî yo. Prenso Qij welatê xwu ra kuno teber û şeş gireestereyan de geyreno.

Niştox Antoine de Saint-Exupery odeyke otele ay New Yorkî de kitabê xwu nisto û xêzê tede zî ê viraştê. Kitab 6’ê nîsanê 1943’yinan de Amerîka de hem bi fransizî hem bi îngilîzî çap beno û di serey 1945’inan de Fransa de çap beno.

Bi kurdî çende weşanxaneyan heta enka eno kitab çap kerdo û enka bi kirmanckî zî çap beno.