Diyarname
TFF (Federasyona Fûtbolê ya Tirkiyeyê) ji bo reqîbên tîmên lîgên 2'yem û 3'yem diyar bike pişke kişand. Amed spor ku di Lîga 2'yem de ye û par di Koma Sor de dilîst, îsal bi pişkeyê ket Koma Spî û reqîbên wê jî diyar bûn. Amed spor dê 5 maçên xwe ligel reqîbên xwe yên li Stenbolê bilîze.
Ji bo diyarkirina koman û reqîbên hev li avahiya Rîva-Beykoza Stenbolê ya TFF'ê bi beşdariya endamên Rêveberiya TFF'ê Ali Duşmez, Wekîlê Sekreterê Giştî Ozcan Şepik Midûrê Plankirina Maçan Besim Yalçin pişte hat kişandin. Di merasima pişkeyê de rêveberên klûban jî hebûn. Di encamê de komên Lîga 2'yem û 3'yen diyar bûn. Di her koma Lîga 2'yem (Koma Sor û Koma Spî) de 18 tîm hene. Di Lîga 3'yemîn de jî dê 3 kom hebin, Koma 1'em de 19 tîm, komên 2'yem û 3'yem de jî her yek 18 t3mi hene.
Ji tîmên kurdan Amed spor par Lîga 2'yem Koma Sor de bû, îsal di encama pişkeyê de ket Koma Spî û reqîbên wê diyar bûn.
Anadolu Uskudar 1908, B.Çekmece Tepecik, BŞB Erzurum, Buca, Fatih Karagumruk, Fethiye, Hacettepe, İstanbul AŞ, Kahramanmaraş, Konya Anadolu Selçuk, Nazilli BLD, OfSpor AŞ, Pendik, Sivas Belediye, Zonguldak di Koma Spî de bûn reqîbên Amed sporê.
Amed spor 5 caran tê Stenbolê
Li gor vê pişkeyê 5 tîmên Stenbolê di nav koma Amedê de hene û Amed Spor 5 caran li Stenbolê dê bilîze. B.Çekmece Tepecik, Fatih Karagumruk, İstanbul AŞ û Pendik spor tîmên Stenbolê ne ku bûn reqîbên Amed sporê.
Tîmên kurdan ên Lîgên 3'yem
Ji tîmên kurdan ên lîgên 3'yem Cîzre Spor û Wan Belediye Spor ketin Koma 1'em; Batman Petrol, Dêrsim ketin Koma 2'yem û Diyarbekir AŞ jî ket koma 3'yem.
Dîroka lîstina maçên serdema 2016-2017'an dê paşê bê diyarkirin.