Diyarname

Komîteya Kurdî ya Eurodramê ji bo tesktên şanoyê pêşbaziyeke dabû dest pê kirin. Niha ew xebat hat bi encamkirin û tekstên ku hatine hilbijartin hatin eşkere kirin.

Komîteya Kurdî ya Eurodramê bi daxuyaniyeke nivîskî eşker kir ku endamên komîteyê xwendin û nirxandinên xwe bi dawî kirin û her endamê/î deng û puanên xwe dane wan şanonameyan. Bi vê yekê re  wan encamên xwe dîyar kirin û ew encam bo Eurodrama navneteweyî ragihandin. Bi vê xebatê re piştî damezrandinê ev bû duyemîn xebata Komîteya Kurdî ya Eurodramê.
Di xebata Eurodram a Kurdî de de Yunus Unay bi teksta xwe "Leylan" bûye yekemîn, Kemal Orgun jî bi teksta xwe "Du Xençer" bûye duyemîn.
Ji bo sêyemînî du tekst hatine hilbijartin ji ber ku her du tekstan heman pûan girtine. Ew jî ev in: "Diran / Bawer Rûken", "Lîstik / Omer Şahin, Rugeş Kirici, Cihat Ekinci".

Komîteya Kurdî ya Eurodramê malavayî ji bo beşdaran kir û yên bi ser ketine pîroz kirin.

Komcivîna Eurodrama Navneteweyî ya ku her sal li welatekî û li bajarekî cuda tê lidarxistin û herî dawî jî li Madrîda Spanyayê pêk li dar ketibû vê carê dê li Amedê li dar bikeve. Li gor daxuyaniyê ger tengasiyeke çênebe îsal di meha Cotmehê/Kewçêrê de wê civîna wan li Amedê li dar bikeve. Ev metnên hatine hilbijartin dê ji bo vê civînê bêne pêşkêşkirin û danasîna şanogeran bê kirin.

***

Nûçeya Eleqedar:

- Eurodram a Kurdî li benda berheman e