Diyarname
Vê hefteyê şeş fîlm ketine vîzyonê. Ji van 4 jê ji derveyî Tirkiyeyê û didu jî ji Tirkiyeyê ne. Em fîlmê “Bergan Island” (Girava Bergman) derdixin pêş
GIRAVA BERGMAN’Ê
“Girava Bergman” fîlmê derhênera fransiz Mia Hansen Love e. Fîlmê wê li Festivala Cannesê di pêşbaziyê de bû. Dîsa li Festîvala Fîlman a Torontoyê, Talloride û New Yorkê jî hat nîşandayîn. Fîlmên wê yên berê jî li Cannesê û li hin festîvalên din hatibûn nîşandayîn. Ji bo vî fîlmî malpera sînemayê Indiewire wisa nivîsî, “Nefesê li mirov diçikîne, bandorê li mirov dike û mirov gêj dike.” Dîsa The Telegraphî bi pesindanê qala fîlm kir.
Bi peyva “Bergman”ê balê dikişîne ser Bergmanê jî û evîn, windayî û hezkirina ji Bergmanê xwe di fîlm de dipêçe. Jin û mêrên sînemager ên amerîkî ji bo havîna xwe derbas bikin diçin girava Faro ya Swêdê. Armanca wan ew e li vir senaryoya fîlmê xwe yê nû jî binivîsin lê her ku diçe di kûrahiya senaryoyê de winda dibin, rastî û xeyal têkilhev dibin.
Va ne hemû fîlmên vê hefteyê:
- Marry M / Derhêner Kat Coiro
- Uncharted / Derhêner Ruben Fleischer
- Bergman Island / Derhêner Mia Hanser Love
- Death on the Nile / Derhêner Kenneth Branagh
- İsmetse Olur / Derhêner Umut Kaya
- Malazgirt 1071: Bizans’ın Kiyameti / Derhêner Bilal Kalyoncu, Ozgur Bakar
Fragman: