Diyarname
Pirtûka helbestan a Welat Dilken "Kevir û Tiştên Din" wekî e-pirtûk li ber destên we ye. Hûn kengê bixwazin dikarin bixwînin.

Hevalê me, yek ji edîtorên Diyarnameyê Welat Dilken "Kevir û Tiştên Din" di sala 2017'an de derxistibû. Di warê helbestvaniya wî de ev pirtûk serdemeke nû ye. Li ser vê yekê û li ser wekî e-pirtûk belavkirina vê pirtûkê ew wisa dibêje, "Ev dîwana min 'kevir û tiştên din' di 2017'an de bi hejmarek kêm ji Weşanên J&J derçû bû. Van rojên han li ser tora înternetê çavên min bi wêneyekî wê yê kêfa min anî ku xwînerekî/ê belav kiribû ket û min ew di whatsapp û facebooka de belav kir. Ji gelek nas, dost û xwîneran peyam hatin, wekî ew berhemeke nû be digotin: 'bi xêr be, pîroz be'! Diyar bû, ji ber hejmarek kêm çap bûbû ew negihîştibû der dora xwînerên helbesta kurdî ya ji helbesta min hayîdar. Ìcar, bo aniha ew wekî pirtûk nayê peydakirin min xwest ew wekî e-pirtûk li holê be. Dîwana 'kevir û tiştên din' di helbestkariya min de dawiya qonaxekê ye ku piştî wê min berê xwe daye helbesteke din ku Orîjînîa, 41+1 û yên piştî wan dê nûnertiya helbesta min a qonaxa nû bikin. Hêja Suzan Oguzê mil da vî karî û  pirtûk wekî e-pirtûk amade kir. Malavayiyê li wê dikim."
Em li jêr lînka pirtûkê didin; li ser kompîturê, di telefonên destan de, çawa bixwazin dikarin bi awayekî xweşik mezin-biçûk bikin, bê pere bixwînin.

Welat Dilken kî ye?
Welat Dilken di bihara 1975'an de li gundê Dolê ya Semsûrê hatiye dinê. Nivîs û helbestên wî di kovarên wekî Tîroj, Çirûsk, W û di malperan de hatine weşandin. Wî demek di rojnameya Ewropres nivîsî. Demek dirêj e di Diyarnameyê de qunciknivîskarî dike. Di pêşbaziyên Huseyîn Çelebî û Feqî Huseyîn Sagniç de helbestên wî xelat girtine.
Pirtûkên wî ev in:
- Ken deyndarê giriyê ne, Helbest, Weşanên Belkî, 2006
- Sî bi rojê xweşik e, Helbest, Weşanên Lîs, 2009
- Şeva dawî, Roman, Weşanên Lîs, 2012
- 29 kul, 29 gul, Helbest, Weşanên Ronahî, 2012
- Siya derizî, Helbest, Weşanên Ronahî, 2012
- Neynik û hinek, Helbest, Weşanên Ronahî, 2013
- Stêrka xuricî Ferat, Roman, Weşanên Peywend, 2016
- Me Herî pir ji helbestkaran bawer kir, Ozgur Doga (wergera ji tirkî Welat Dilken), Weşanên Lîs, 2016
- Kevir û tiştên din, Helbest, Weşanên J&J, 2017
- Orîjîn, Çîrokên Mînînal, Weşanên Avesta, 2019
- 41+1, Helbest, Weşanên Nûbihar, 2023
 

Ji bo xwendinê lînkê bitikînin:
- KEVIR Û TIŞTÊN DIN / WELAT DILKEN / HELBEST

***

"3 Deqe ligel Cemil Oguz"