Diyarname

Bi navê "The Hall Kurdî" e-kovareke bi kurdî li Londona Îngilistanê dest bi weşanê kir. Erol Başak û Dr. Osman Komurcu bi hev re kovar derxistine.

Amadekarên kovarê hejmara yekem wekî online bê pere belav kirine û diyar kirine ku her meh online dê hejmara nû derxin.

Li gor agahiyan ku hatiye belavkirin amadekarên kovarê diyar kiriye ku berî vê bi navê "The Hall" ev du sal bûn bi îngilîzî û tirkî kovar derdixistin û niha jî bi kurdî kovara The Hall Kurdî derdixin.

Li ser kovarê wisa gotine, "Hall, bi Kurdî eywan e. Ji salonên mezin û fireh ku çalakiyên wekî konsert, semînêr lê tê dayîn re jî hall tê gotin. Bi her du awayî jî Hall cihê ku mirov ji bo armancekê li hev dicivin e. Di çanda kurdî de jî li gundan eywan cihê bênvedanê ye. Her wisa civat li eywanan kom dibe. Kovara me jî dê bibe wek eywanekê ku her kes bikare ji xwe re tê de cihekî bibîne û ji her aliyê cihanê geşedanan, serpêhatiyan, nûçeyan ku Kurdan eleqedar dikin berhev bike û bigihîne xwînerên Kurdî." Lê amadekaran negotine çima kovareke bi kurdî naveke bi îngilîzî lê kirine.

Di hejmara yekem de Erol Başak "Hêviyên bêguneh çawa bûn hêsîrên siyasetên girêj?", Ozgur Basut "Tundiya li ser jinan!", Necat Zivingî "Sindoqa Pîroz nivîsiye. Her wiha kovarê ligel mamosteya kurdî Dîlan Çelîker jî hevpeyvîneke belav kiriye.

Ji bo yên bixwazin bixwînin:

-The Hall Kurdî