Diyarname

Tîma fûtbola ya katalan Barselona piştî şandina teknîk dîrektor Ronald Koeman tîm teslîmê Xavi kirin.

Piştî Koeman rêveberên Barselonayê çûbûn Katarê û ligel tîma Al Sadd hevdîtin çêkirin. Peymana Al Sadd heta sala 2023'yan ligel teknîk dîrektor Xavi Hernandez hebû. Piştî Al Sadd qanî nebû, Barselonayê biryar da ku berdêla pereyan çi be bide û bi vî awayî Al Saddê Xanî serbest berda. Û îro hat ragihandin ku peyman hatiye girêdan û Xani Hernandez di nav çend rojan de dê li Barselonayê be.

CEO'yê Al Saddê Turkî Al-Alî got ku Xavi bû parçeyeke girîng ê Al Saddê, li Barselonayê em ji bo wî serketinê dixwazin.

XAVI HERNANDEZ

Lîstikvanê berê, teknîk dîrektor Xavi Hernandez ku wekî "Xavi" her tê nasîn di sala 1980'ê de li Terrassaya Katalonyayê hatiye dinê. Di sala 1991'ê de li tîma zarokan a Barselonayê dest bi fûtbolê kiriye. Sala 1997'an de derbasî tîma B a Barselonayê bûye û 1998'an de derbasî tîma A bûye. Heta 2015'an di tîma Barselonayê de 505 caran lîsitye û 58 gol avêtine. Xavi di sala 2015'an de çû Al-Saddê û heta 2019'an li wir di 82 maçan de 21 gol avêtin. 

Xavi Hernandez heta niha carek Kûpaya Cîhanê (bi formaya tîma neteweyî ya Spanyayê), 4 caran Kûpaya Lîga Şampiyonan a UEFA'yê (Bi formaya Barselonayê) gitine.

Xavi di sala 2019'an de bû teknîk dîrektorê Al-Saddê. Xani li Al-Saddê 7 kûpa bi dest xistin. Wî di 95 maçan de 64 serketin bi dest xistin. 15 caran wekhev ma û 16 caran têk çû. Ligel Xavi tîma Al Sadd rekora têkneçûnê şikand. Bû 36 maç ku Al Sadd têk naçe ku ev di lîga wan de rekor e. Al Sadd niha bi 25'ê pûanan yekemînê lîgê ye.

Hat gotin ku Barselona ji bo mafê serbest berdanê dê 5 mîlyon Euro bide Al Saddê. Tê gotin ku Barselona ji bo heta 30'yê pûşpera 2024'an dê peymanê ligel wî girê bide.