Diyarname
Seroka Giştî ya ÎYÎ PartÎ Meral Akşener du roj berê çû Sêrtê. Di gera xwe ya li Sêrtê de li Misircê jî çû serdana esnafan. Li dikanek esnafê bi navê Cemil Taşkesen ji Akşener re got, "Zimanê me tê înkarkirin, nasnameyê me tê înkarkirin. Em dijî vê yekê ne. Ev cihê hûn lê ne Kurdistan e lê mixabin li Meclisê Kurdistan tê înkarkirin." Vîdyoya vê axaftina ligel Akşener li nav tora civakî gelek belav bû. Û vê serê sibê polîs çûn Cemil Taşkesen girtin bin çavan.
Dozgerê Komarê bi îdîaya "Propagandaya rêxistinê kiriye" der barê wî de lêpirsîn da dest pê kirin û polîsan vê sibê ew girtin birin emniyeta.
**
Cemil Taşkesen heta êvarê di bin çavan de bû û êvarê hat berdan. Taşkesen dema berdanê de got ku heman pirs jê hatine kirin û wî gotina xwe dubare kiriye.
(Ev not êvarê li nûçeyê hat zêdekirin)