Diyarname

11 tabloyê Pablo Picasso bajarê Las Vegas ê Dewleta Yewbiyî ay Amerîka (DYA) de hamey rotişî. Wayîrê tabloyan MGM Resorts bî ke eno 20 sere zêdeyêriyo ke ê tablo Bellagio Hotel de hameyne pêşkêş kerdin. Wayîrê cayanê qumare û wayîrê otele Steve Wynn dewrê 20 sere verî enî tabloy kom kerdîbî û girotîbî. Hame vatişî ke pereyê enî tabloyan ra bikoy destê înan go qeybî tabloyanê neweyan bêrê xerc kerdişî û di miyanê tabloyê newe ke bigirî dê go tabloyê pîrekan viraştê, tabloyê welatê tepiya mendê de hamey viraştişî bigîrê.

Mezatxaneya Sotheby's tablo vetî mezat û 11 tabloy bi 110 mîlyon dolarî hamey rotişî.

Miyanê heme tabloyan de, tabloy ke tede Pîreka bi Kelaya Sûre-Tûrincî hamîbî neqişkerdişî zehf vay hame rotişî. Picassoyî di enî tabloyî de hezkerdiya xo Marie-Therese Walter xêz kerdebî. Tabloye ke serey 1938 de hamebî xêrkerdin bi 40,5 mîlyon dolarî hame rotişî. Texmîn ew bî ke bi 20-30 mîlyon dolarî bêro rotişî la tewr vay hame rotişî.

Tabloy ê "Mêrde û Tût" bi 24,4 mîlyon dolarî hame rotişî.