Diyarname

Rêveberiya Xweser a Bakur û Rojhilatê Sûriyeyê di 9'emîn salvegera avakirina herêmên xweser de bang li Neteweyên Yekbûyî (NY) kir û xwest NY wan bi awayekî fermî qebûl û nas bike.

19'ê tîrmehê 9'emîn salvegera avakirina herêmên xweser e li Rojava û paşê bi navê xwe yê fermî Bakur û Rojhilatê Sûriyeyê. Di vê salvegerê de Rêveberiya Xweser a Bakur û Rojavayê Sûriyeyê daxuyaniyeke nivîskî weşand û bang li NY'ê kir. Di daxuyaniyê de wisa hat gotin, "Sûriye di dema hikumeta Beas a navendî de gelek êş kişand. Gelên Sûriyeyê înkar kir, ev 10 sal in bûye cihê qeyran û tevliheviyê. Teror û dagirkirin zêde bû, Sûriye bû navenda Şerê Cîhanê yê Sêyemîn. Çareserî û îstîkrar saz nebû, Sûriye bû cihê ku li herêmê û li qara navneteweyî cihê bidestxistina berjewendiyan."

Di daxuyaniyê de hatiye gotin ku roja 19'ê tîrmeha 2012'yan li Kobanî Şoreşê dest pê kir û li hemû herêmên Bakur û Rojhilatê Sûriyeyê belav bû, ev gav bû gava guherînê, bû pergala alternatîg dijî pergala navendî.

Her wiha hatiye gotin ku ev pergala wan rê li ber terorê girtiye, DAIŞ têk biriye, rola pêşeng a jinan dîsa aniya rojevê. Rêveberiya Xweser di daxuyaniyê de gotiye ew vê salvgera 9'emîn diyarî hemû gelê xwe dikin, ewê rêya şehidên şoreşa demokratîk û azad bişopînin, ji bo Efrîn, Serê Kaniyê û Girê Sipî yê dagirkirî bên azad kirin û koçber vegerin ser axa xwe ewê bixebitin û di dawiya daxuyaniyê de bang li NY'ê kiriye: "Em wekî Rêveberiya Xweser girêdayî Xala 2254'an a NY'ê ya li ser çareserkirina qeyrana Sûriyeyê ne û em bang li NY'ê dikin ku herêmên Bakur û Rojhilat3en Sûriyeyê qebûl bike. Em carek din diyar dikir ku tekane çareseriya qeyrana li Sûriyeyê bi xala 2254'an a NY'ê çêdibe û em siyaseta hin aliyan ên ku li Sûriyeyê bi cih tînin şermezar dikin. Di heman demê de em bang li NY'ê dikin ku wekî herêmên din ên Sûriyeyê vê herêmê jî binase û bersivê bide daxwazên gelê me."