Diyarname
Belgefîlmê bi navê "Seyid" li Parîsê dibe mêvanê sînemahezan.

Derhêner Ozkan Kuçuk bi belgefîlmên bi navê "Pîlava Binok", "Mamoste Arsen" "Li Serxaniyên Diyarbekirê" ketibû nav qada sînemayê ûli Kolektîfa Sînema ya Mezopotamyayê kar dikir niha bi belgefîlmê xwe yê nû "Seyîd" di rojevê de ye.

Kuçuk li ser çîroka "Pîrekî Elewiyan" li ser mijarê disekine. Seyîd Mûsa Dede yekem kes e ku li Tirkiyeyê wekî Cemxaneyên niha Cemxaneyê vedike, ew di heman demê de bûye şadihê bûyerên Dêrsimê, ew kalekî 77 salî ye ku êşên serdema xwe jiyaye, kişandiye. Belgefîlmê Kuçuk "Seyîd" vê pêvajoyê, jiyana Mûsa Dede ji Stenbolê heta Dêrsimê di rêwîtiyekê de derdixe pêşberî temaşevanan.

Belgefîlmê ku îsal yekem car di Festîvala Fîlman a Navneteweyî ya Stenbolê de hatibû nişandayîn vê carê berê xwe dide Parîsê.
Ji bo kesên eleqedar dîrok û cihê nîşandayîna belgefîlm:

Dîrok: 06.12. 2010, saet 17:30  
Cih: CINEMA LE DENFERT   24, place Denfert-Rochereau, Paris 75014 Paris

Ji bo agahiyên berfireh: www.festivalcinemakurde.fr

Kunye: SEYÎD - Li ser rêya heqîqetê
Mawe: 72 dq
Sal: 2010
Ziman: Tirkî-Kurdî
Derhêner: OZKAN KUÇUK
Yên di belgefîlm de cih girtine: MUSA KUÇUK, NADRİYE KUÇUK,
   Koma Semahê ya Cemxaneya Seyîd Seyfî ya Esenyaliyê
Kamera: OZKAN KUÇUK, KAZIM OZ
Deng: AZÎZ ÇAPKURT
Vesazkirin: OZKAN KUÇUK
Sazkar: SERRA BUCAK, SUNCEM KOÇER

***

Nûçeyên eleqedar:

- Derhêner Kuçuk: Ji sînemaya kurd wê tiştên baş derkevin

- "Seyîd" derket pêşberî temaşevanan

- “Seyîd” di Festîvala Stenbolê de tê nîşandayîn