Diyarname
Îro maçên dawî yên çarîk fînalê hebûn. Di maça yekem de Danîmarkayê Komara Çek bi 2-1'ê têk bir û derket nîv fînalê. Di maça duyemîn de jî Îngilistanê Ûkrayna bi 4-0 têk bir û ji bo nîv fînalê bû reqîbê Danîmarkayê.
Îngilistanê di vê maçê de jî gol nexwar û bû 5 maç ser hev de ku golê naxwe. Bi vê yekê re Îngilistan bû şirîkê Îtalyayê. Tîma Neteweyî ya Îtalyayê di Kûpaya cîhanê ya 1990'î de di 5 maçan de ser hev de gol nexwaribû û rekor girtibû destê xwe.
Golên Îngilistanê Harry Kane (dq 4 û 50), Harry, Maguire (dq 46) û Jordan Henderson (dq 63) avêt.
Di dawiya maçên çarîk fînalê de her çar tîm Îtalya, Spanya, Îngilistan û Danîmarka derketin nîv fînalê. Ji wan didû dê derkevin fînalê.
Rewşa nîv fînalê wisa çêbû:
06.07.2021:
Saet 22.00: Îtalya - Spanya
07.07.2021:
Saet: 22.00: Îngilistan - Danîmarka
Maça fînalê jî dê 11'yê mehê bê lîstin û tûrnûva bi dawî bibe.