Diyarname
Di Pêşbaziya Neteweyî ya Kurtefîlman û Pêşbaziya Neteweyî ya Belgefîlman de kurtefîlm û belgefîlmên bi ser ketin hatin eşkere kirin.
40’emîn Festîvala Fîlman a Navneteweyî ya Stenbolê ku ji aliyê ÎKSV’ê ve tê organîzekirin didome. Festîvala ku meha borî dest pê kir, vê mehê dom kir û dê meha pêşiya me jî li dar be niha serketiyên belgefîlman û kurtefîlman diyar kirin. Kurtefîlm û belgefîlmên di van beşan de di navbera 20-30’ê gulanê de hatin nîşandayîn.
Pêşbaziya Belgefîlman
Di Pêşabziya Neteweyî ya Belgefîlman de 9 fîlm hebîn. Juriya ku ji derhêner Serdar Kokçeoglu û Martina Priessner, derhêner û sazkar Hasan Soylemez pêk dihat nirxandina xwe kir û biryar da. Di vê beşê de belgefîlmê derhêner Yusuf Emre Yalçin ê bi navê “Anîma” Xelata Belgefîlmê Herî Serketî ku beramberî 20 hezar TL ye girt. Her wiha belgefîlmê derhêner Etna Ozbek “Nosema” û belgefîlmê Sidar İnan Erçelik “Ruzgâr Tayi” bi xelata Mansiyonê hatin xelatkirin.
Pêşbaziya Kurtefîlman
Di Pêşbaziya Neteweyî ya Kurtefîlman de jî 13 kurtefîlm ketin pêşbaziyê Juriya ku ji lîstikvan û sazkar Nazli Bulum, derhêner Engin Erden û nivîskara sînemayê Selin Gurel pêk dihat biryara xwe da. Juriyê belgefîlmê derhênerê kurd Serhat Karaaslan ê bi navê “Suçlular” hêjayî Xelata Kurtefîlmê Herî Serketî ku beramberî 6 hezar TL ye dît. Di v^ebeşê de kurtefîlmê Malaz Usta “Surgunde Bir Yil” jî hêjayî xelata mansiyonê dîtin
Pêşbaziyên meha peşiya me
Festîval meha pêşiya me didome. Di meha pêşiya me de di navbera rojên 11-30’yê pûşperê de dê fîlmên Pêşbaziya Neteweyî û Pêşbaziya Navneteweyî bêne nîşandayîn. Di rojên pêşiya me de fîlmên van beşan dê bêne eşkere kirin.
***
Nûçeyên Eleqedar:
- 4 belgefîlmên li ser Heskîfê
- Belgefîlm û Kurtefîlmên pêşbaziyê li benda we ne
- Kurtefîlm û belgefîlmên pêşbaziyê diyar bûn
- Fîlmên vê mehê yên Festîvala Stenbolê li benda temaşevanan in
- Xelatên ‘Koprude Buluşmalar’ hatin belavkirin
- Fîlmên Festîvalê li benda temaşevan in
- Li fîlmên rengîn ên Hitchcock temaşe bikin
- Festîvala Fîlman a Stenbolê dest pê dike
- Festîvala Stenbolê navê Serokê Juriya Neteweyî eşkere kir
- Bi ser online re fîlmên ji festîvalên navdar hatine têne nîşandayîn
- Ji bo Festîvala Stenbolê dema serîlêdanê dest pê kir
***
Ji bo kanala Youtubê ya Diyarnameyê: