Diyarname

Festîvala Fîlman a Navneteweyî ya Stenbolê îsal 40’emîn car dê li dar bikeve. Festîvala ku ji aliyê ÎKSV’ê ve tê organîzekirin di navbera 2’yê avrêlû 29’e pûşperê de dê li dar bikeve. Ji bo festîvalê dema serîlêdanê dest pê kir. Yên bixwazin heta 26’ê adarê dikarin fîlmên xwe bişînin ber destên amadekarên festîvalê. Serîlêdan tenê bi ser website re tê kirin û navnîşana wê jî ev e: film.iksv.org

Fîlmên ji bo pêşbaziyê bêne şandin divê di sala 2020-2021’ê de hatibin kişandin. Fîlmên metrajdirêj yên bi ser 60 deqîqe, belgefîlmên bi ser 30 deqîqeyî û kurtefîlmên ji 20 deqîqeyê kurtir dikarin ji bo pêşbaziyê dikarin bêne şandin.

Festîvala fîlman a Stenbolê bû 40 salî. Di dîroka xwe de yekem car par wekî online li dar ket û îsal ji ber vîrusê dîsa bi heman awayî lidar dikeve. Li gor agahiyên ku festîvalê dan me 2’yê avRêlê dê wekî online dest pê bike, di meha pûşperê de jî beşên pêşbaziyê hem li sînemayan, hem li cihên ser vekirî û hem jî wekî online li dar bikeve. Beşa Pêşbaziya Neteweyî ya festîvalê di navbera 18-29’ê pûşperê de dê li dar bikeve.

Di festîvalê beşa Sînemaya Tirkiyeyê de fîlm di beşên Pêşbaziya Neteweyî, Pêşbaziya Neteweyî ya Belgefîlman, Pêşbaziya Neteweyî ya Kurtefîlman de bêne nîşandayîn. Xelata Herî Mezin Laleya Zêrin dê bidin Fîlmê Herî Serketî, dîsa li ser navê yek ji avakarên festîvalê Onat Kutlar xelata Juriyê ya Taybet dê bê dayîn. Her wiha Xelata Lîstikvanê Herî Serketî, Lîstikvana Herî Serketî, Senaryoya Herî Serketî, Derhênerê/a Dîmenê ya/ê Herî Serketî, Vesazkirina Herî Serketî, Muzîka Herî Serketî de dê xelat bêne dayîn. Festîvala Xelata Seyfi Toroman a Fîlmên Pêşî dide derhênerê/a ku yekemîn fîlmê xwe yê metrajdirêj kişandiye.

Di nav Lijneya Şêwrê ya Sînemaya Tirkiyeyê ya 40’emîn Festîvalê de nivîskarên sînemyê Engin Ertan, Kaan Karsan, Nil Kural û Esin Kuçuktepepinar hene.