Diyarname

Kanala Foksê peymana xwe ya ligel rêzefîlman "The Simssons" nû kir û bi vê yekê rêzefîlm dê serdema 33 û 34'an de jî bê nîşandayîn. Ev yek tê vê wateyê: Rêzefîlm dê heta 2023'yan bidome û tam dê bibe 757 beş ku hatiye kişandin û weşandûn. Bi vî awayî ev wekî her gavê, rêzefîlmê ku herî zêde di demek dirêj de li ekranê maye ye.

Avakar û sazkarê "The Simssons"  Matt Groening li ser serdema nû ya rêzefîlmî wisa got: "Her kesê di rêzefîlmê 'The Simssons'ê de ji ber vê nûbûnê biheyecan e û em gelek surprîzan plan dikin. Homer dê porek xwe winda bike, Milhouse dê kontakt lens bigire û Bart dê sî û sê caran dehemîn rojbûna xwe pîroz bike."

700'emîn beşa rêzefîlmî bi navê Manger Things dê  roja 21'ê adarê bê weşandin.
JI 1989'AN VE DIDOME
The Simpsons anîmasyoneke televîzyonê ye û wekî rêzefîlm tê nişandayîn. Malbata Simpsonan ji Homer, Marge, Bart, Lisa û Maggie pêk tê û malbateke ji çîna navîn a Amerîkayê ye. "The Simssons"  yekem car roja 17'ê berfanbara 1989'an hat weşandin. Ji wê rojê ve heta niha tê weşandin. Rêzefîlmî heta niha 34 xelatên Emmy, 34 Xelatên Annie, 9 Xelatên Çapemeniya Hawirparêz, 7 Xelatên Hilbijartina Gel, 13 Xelatên Writers Guild of America û di sala 2016'an de Xelata Peabody girtiye.

Piştî ku beşên nû jî bêne weşandin êdî dê zor be rêzefîlmekî din vê rekora demdirêj a The Simpsonsan ji dest wan derxe.