Diyarname
Victoria’s Secret piştî 6 salan carek din defîleyeke li dar xist. 'Meleka'an bi vê defîleyê êvara New Yorkê xweşiktir kirin.
Victoria’s Secret di sala 1995'an de bi "Victoria’s Secret Fashion Show" navdar bûbû, di nav salan de bi sedema "Bedeweya derveyî standardan" nişan dide ev populerbûna wê kêm bûbû. Victoria’s Secret bi modelên ku navê "Melek" li wan kirine defîlê li dar dixist, lê ev 6 sal bûn sekinîbû. Niha êvara 15'ê vê mehê carek din bi "melekan" defiliyeke li dar xist.
GELEK MELEK HEBÛN
Modelên wekî Irina Shayk, Behati Prinsloo, Gigi Hadid, Adriana Lima, Candice Swanepoel, Bella Hadid, Alessandra Ambrosio, Taylor Hill, Barbara Palvin di defîleyê de cih girtin. Lê vê carê ne tenê "melek"ên xwe, hin modelên nû jî li vê defileyê kirin.
JINA SARKOZY JÎ HEBÛ
Di defîleya li dar ket de jina serokomarê berê yê Fransayê Nicholas Sarkozy Carla Bruni jî di nav "melek"an de bû. Bruni di salên 90'î de di defîleyên  Yves Saint Laurent, Christian Dior, Chanel û Versace de cih girtibû, lê yekem car di defileya Victoria’s Secretê de cih digire.
Bruno 56 salî ye, di vê temenê de bû "melek", di heman demê de par gotibû ku ji wê re gotine bi kansêra pêsîrê ketiye.
'BEDENA MEZIN' ASHLEY GRAHAM
Victoria's Secret di sala 2021'ê biryar girtibû ku "hemû jinan bigire nava xwe", di vê çarçoveyê de Ashley Graham ku bedena wê mezin e jî di defîleyê de bû.
MUZÎKAR LI SER DIKÊ BÛN
Li aliyê din di şevê de Cher, Tayga û ji koma K-Pop Blackpinkê Lisa jî derketin ser dikê u bi stranên xwe coşa şevê bilindtir bikin.

Carla Bruni 56 salî ye û li ser dikê bû.

Ashley Graham bi 'bedenê mezin' li ser dikê bû.

"Melekan" piştî 6 salan care din coş da temaşevanan.