Diyarname

Di nivîsên xwe de M.E.Botî nivîsandiye, dirêjahiya wî, yanê navê wî yê rastîn Mistefa Ehmed e û di nivîsan de Botî jî lê kiriye, ev derketiye holê: M.E.Botî. 

Em qala nivîskarekî kovara Hawarê dikin. Wê demê bi salan ligel Hawarê bûye, ji bo kovarê çîrok nivîsîne, helbest nivîsîne lê paşê êdî deng jê nehatiye. Niha Weşanên Belkî pirtûkek ji çîrok û helbestên wî da hev û bi navê "M.E. Botî, Hemû Berhemên Wî" pêşkêşî xwendevanan kir.

Ew ji Şirnexê ji herêma Botan e lê dîroka bûyîna wî nayê zanîn. Di navbera salên 1932-1943'yan de ji bo Hawarê helbest û çîrok nivîsîne û helbesteke wî jî di kovara Ronahî de derketiye. Paşê? Paşêya meseleyê tune ye. Ji ber ku pirtûkên wî derneketine, nivîs li ser nehatine nivîsîn û di nav rûpelên dîrokê de maye. Niha Weşanên Belkî ew carek din derxist ser dikê.

Di nav nifşê Hawarê de Celadet Elî Bedirxan, Dr. Kamîran Bedirxan, Osman Sebrî, Qedrîcan, Cegerxwîn û yên din têne zanîn lê M.E.Botî kêm dihat zanîn ji ber ku berdewamiya nivîsên wî nehatine, lê bi vê pirtûkê ew dê carek din bê nasîn. Ligel pêşkêş kirina çîrok û helbestan, Botî ji ber hakimê ziman bûye di heman demê de li Bêrûdê di dersxaneya Dr. Kamîran Bedirxan de ders jî dane.

Di pirtûka niha li ber dest de ye 8 çîrokên wî û 16 helbestên wî yên ku hatine berhevkirin hatine pêşkêş kirin. Ji bo 

- M.E. Botî, Hemû Berhemên Wî / Weşanên Belkî / Adar 2020 / 72 rûpel

**

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.