Diyarname

Şaredariya Artûklû ya Mêrdînê ku di destê AKP'ê de ye tabelayên ser rêyan ên gurdan guhartin. Tabelayên ku berê jî bi kurdî û tirkî bûn, dîsa wisa kirine lê kurdiya wan bi tîpên tirkî hatiye nivîsîn. Şaredarî di nivîsandina navên bi kurdî de tîpên alfabeya kurdî wekî X, W, Q bikar neanîne û tiştek beloq derketiye holê.

Piştî şaredarî li ser hesabê xwe yê twitterê wekî pesn got tabela nû kirine, gelek kesî ji ber kurdiya wan bertek nîşan da û xwest bê guhartin.

Di salên 2000'an de şaredariyên kurd ên di destê HDP'ê de tabelayên bi tirkî guhartin û kirin kurdî-tirkî. Lê piştî kayûm hatin ser li gelek cihan ew tabela rakirin û tenê tirkî bikar anîn. Cihên dest nedan jî wekî meseleya Artûklû derketin holê.