HEWLÊR
Diya Serokê Herêma Federal ya Kurdistanê Mesûd Barzanî, hevjîna Mele Mistefa Barzanî Hemayil Barzan Zêbarî wefat kir.

Diya Serokê Herêma Federal ya Kurdistanê Mesûd Barzanî, meta Erşed Zêbarî, xwişka Wezîrê Derve yê Iraqê Hoşyar Zêbarî Hemaîl Mehûmd Axa jiyana xwe ji dest da.

Mela Mistefa Barzanî 3 jin anîbûn. Yek Barzanî (Mehbûbe, Hepse) yek Hemaîl Xana Zêbarî û ya din jî Hemaîl Xan dayîka Mesûd Barzanî bû. Hemaîl ji ber nexweşiyê li Almaniya di temenê 92 saliya xwe de jiyana xwe ji dest da.

Cenazeyê Hemaîl Xan wê li Başûr, li herêma Barzan bê veşartin.

KONGRA-GEL ji bo Mesûd Barzanî sersaxî xwest 

Serokê KOGRA-GEL Remzî Kartal bi daxuyaniyekê nivîskî sersaxî ji malbata Barzanî re xwest û got: "Em ji bo hevsera Mele Mistefa Barzaniyê nemir, Xatûn Hemaîl, ji Xwedê rehmetê dixwazin. Ji bo Serokê Herêma Kurdistanê Birêz Mesûd Barzanî û hemû malbata Barzanî re jî sersaxî û sebrê dixwazin.”

3 roj şîn danîn

Her wiha Polîtburoya YNK'ê jî ji Barzanî re aramî xwest û Hikumeta Herêma Kurdistanê jî ji bo Xatûn Hemaîl 3 rojan şîn danî.

Wêne ji "Pukmedia"yê hatiye girtin