Diyarname
Li Zeytînbûrnûya Stenbolê komên faşîst li hemberî kurdan pênc şevan çalakî li dar xistin. Li ser vê yekê heyet çû cem Waliyê Stenbolê Huseyin Avni Mutlu. Heyet dê li Zeytînbûrnûyê jî here serdana esnafên ku zirar dîtine.

heyeta ku ji mebûsên BDP'ê yên Stenbolê Sebahat Tuncel, Sirri Sureyya onder, mebûsê Mêrsînê Ertugrul Kurkçu, Serokê BDP'a Stenbolê Huseyin Çalişçi û endam Lijneya Rêveberiya Navendî ya BDP'ê Omer Agin pêk dihat çû cem walî û hevdîtin pêk anî.

Di vegera hevdîtinê de Sirri Sureyya Onder got ku tirsa wan a li ser ewlehiya gel heye û wan ev tirsa xwe ji walî re gotine. Onder got ku li ser gel vê yekê çawa dibîne, ka mirov dikare çi bike jî axivîne û diyar kir ku roja 27'ê mehê saet 15.00'an de dê herin serdana esnafên ku zirar dîtine.
Her wiha Onder got ku mebûsên Stenbolê yên din li hemberî bûyerê bêdeng mane û xwest ku ew jî bikevin nav tevgerê.

5 kurd hatin girtin

Di vê navberê de yên ku beramberî êrîşan man kurd bûn lê yên ku hatin girtin jî dîsa kurd in.
Piştî bûyeran ji nijadperestên ku bûyer derxistin li dor 100 kesî hatin binçavkirin lê hê kes nehatiye girtin lê ji 15 kurdên ku hatin binçavkirin 5 jê hatin girtin.
Kurdên ku hatin tewqîfkirin ev in: Fatih Akkurt, Mehmet Sadik Dursun, Hikmet Kurttok, Şirvan Budak û Sinan Yeşilmen.

***

Nûçeya eleqedar:

- Sirri Sureyya Onder çû Zeytînbûrnû cihê bûyerê