Diyarname

Hevserokê BDP'ê Selahattin Demirtaş ji bo hilbijartina herêmî ya 30'ê adara 2014'an îro bi mîtînga xwe ya Rihayê dawî li mîtîngên xwe anî û rekor şikand.

BDP'ê ji bo vê hilbijartinê heta niha kedeke gelek mezin da. Li gor agahiyên heta îro tên gel heta niha eleqeyeke mezin nîşanî BDP'ê daye. Demirtaş wekî Hevserokê BDP'ê ji bo gelek navçe û bajaran xebata mîtîngan dabû ber xwe. Demirtaş li Erdexanê dest bi mîtîngên xwe kir û îro li Rihayê dawî li wan anî. Ji 3'yê adarê re heta îro ew çû 24 bajar û 66 navçe û bajarokan. Bi vî awayî Demirtaş beşdarî 90 mîtîngan bû û rekorek şikand.

Demirtaş ku di mîtîngên berê de peyamên girîng pêşkêş kiribû, di vê di mîtînga xwe ya dawî de jî heman tişt kir û got: "Em ne mecbûrê siyaseta rezîl in. Em ne mecbûrê siyaseta Enqereyê ya xirufî ne. Rizgarî bi yekdengîbûnê tê. Rihayê îro ev nîşanî me da. Êdî Riha digihîje Şaredariya BDP'yî. Tu cihek dê bi qasî Rihayê nikaribe me dilşad bide."