Diyarname

Li Mêrdînê kayûmê berê Mustafa Yaman li nava bajêr bi 2 mîlyon û 158 hezar TL logoyek bi cih kiribû. Gel wekî tiştek belesebeb lê nêrîbû, niha ew logo hat rakirin.

Ev logo di sala 2018'an de li aliyê kayûm Mustafa Yaman ve li ser Çerxerêya Qoserê hat bicih kirin. Niha ew ji wir hat rakirin û birin embarê.

Ew logo qet nehatibû ecibandin, gel gilî dikir ku çima tiştek wisa çêkiriye û nerazîbûn nîşan dida. Niha ew logo ji wir hat rakirin. Bi vê 2 mîlyon û 158 hezar pereyên şaredarî belaweha çûn.

Kayûmê ku îsal di 10'ê pûşperê de ji peywirê hatibû girtin gelek tiştên wî hatin betalkirin. Navên wî li dibistan, salonên sporê û kolanan jî hatibûn kirin, ew hemû niha hatin rakirin.

Bi kayûmê re li Şaredariya Bajarê Mêrdînê gelek karên nelirê derketibûn, lêpirsîn hatibûn kirin, hin kes jî hatibûn tewqîfkirin.

Ji MA'yê hatiye girtin