Diyarname

Malala Yusufzay ji Pakistanê ye û di sala 2014'an de Xelata Nobelê ya Aştiyê girtibû. Bi vê bûbû kesa herî ciwan ku vê xelatê digire. Û ew niha li Îngilistanê ligel Asser Malik zewicî.

JIYANA WÊ

Malala Yusufzay di sala 1997'an de li Mingora ya Pakistanê hatiye dinê. Di sala 2012'yan de dema hê 15 salî bû tetikêşekî ji Talîbanan gule bera serê wê da. Birîndar bû û ji bo dermankirina ew birin Îngilistanê. Malala Yusufzay  ligel malbata xwe li Îngilistanê bi cih bû. Di sala 2014'an de wê ji bo mafê perwerdehiya zarokan dest bi xebatê kir. Bi vê xebata xwe nav da û heman salê wekî jina herî ciwan Xelata Nobelê ya Aştiyê girt.

Yusufzay ku ji bo perwerdehiya keçikan Weqfa Malala vekir, par li Zanîngeha Oksfordê mezûn bû. Malala Yusufzay li zanîngehê beşa felsefe, siyaset û aborî xwend.

ÇIMA MIROV DIZEWICIN?

Di meha tîrmehê de kovara Vogue ligel wê hevpeyvîneke çêkir. Wê di hevpeyvînê de wisa gotibû: "Mirov çima dizewicin ez hê fêm nakim. Ger hûn dixwazin yek di nav jiyana we de hebe çima hûn ligel wî belge îmze dikin, çima tenê têkilî saz nakin?"

Malala Yusufzaya ku wate nedida belgeya zewacê niha zewicî û ev agahî bi ser hesabê xwe yê tora civakî re belav kir.

MALIK ÇI KAR DIKE?

Yusufzaya ligel Asser Malik zewicî. Malik bi ser hesabê xwe yê LinkedIn re gotiye ku ew bi sporê krîketê re eleqedar e û li Tîma Krîket a Pakistanê Midûrê Giştî yê Performansa Bilind e.