Diyarname

Emsar vilakerdişê Xelatê Muzîkê ê Ewropa MTV semedê şêrê Îsraîl û Hamasî hamey betalkerdişî.

Serey 1994'inan ra nat her sere xelatê MTV yenê vilakerdişî. Emsar di miyanê verendamê xelatan de muzîkarê bi name û veng ê zey Taylor Swift, Olivia Rodrigo, SZA, Måneskin, Miley Cyrus, Nicki Minaj bîbî. Gorey bernamî ra gere 5'ê aşmey vernî ma de merasim bihameyne viraştişî la merasim hame betalkerdişî. Di daxuyanî ke hamiya vilakerdişî de hamew vatiş ke bûyerê Îsraîl û Xaze de veciyay dewam kenê, bî semedê merdişê bi hezaran tenî û eno şîn o. Loma zî xelatê emsarî hamey betalkerdişî û hamew vatiş ke serey 2024'inan, aşmey 11'inan de go reyna xelatî bêrê vilakerdişî.