Diyarname
Komek rojnameger, nivîskar, hunermendên kurd daxuyaniyeke weşandin û bang li kurdên çar parçeyan û bi taybetî jî bang li kurdên Bakur kirin ku xwedî li kurdên Rojava bikin.

Da duxayaniya nivîskî ku hatiye weşandin de wisa tê gotin: "Kurdên li Başûr-rojavayê Kurdistanê ne tenê ne Gelên Rojhilata Navîn û gelê Kurd li çar parçeyên Kurdistanê, di pêvajoyeke dîrokî re derbas dibin. Di vê pêvajoyê de, rewşa gelê Kurd, ji tevahiya gelên herêmê cudatir û naziktir e, ji ber ku hîna çarenûsa parçekirina cografya Kurdistanê dijî û ji mafên bingehîn yê jiyanê bêpar e.
Hemberî ku gelê Kurd xwedî dîroka hezar salan e û li ser xaka xwe dijî, di sedsala bîsîtûyekê de, dûçerî siyasetên tunekirinê bû û ev siyaset hîna jî dewam dike."

Daxuyanî tê gotin ku pirsgirêka kurd ketiye rojeva cîhanê û nîqaş dest pê kiriye. Daxuyanî balê dikişîne ser raperînên li Sûriyê, rewşa kurdên li Sûriyê û wisa tê gotin: "Em rewşenbîr, rojnamevan û nivîskarên Kurd, yên ku navê wan li jêr hatine nivîsandin: Yekîtiya sazî û partiyên Başûrê Rojavayê Kurdistanê gaveke dîrokî û serketî dibînin û destek dikin. Di vê heyama ku çarenûsa gelên li Suriye tê destnîşan kirin û mijar di qada navneteweyî de tê axaftin de, pêwist e Kurdên Suriye werin destekkirin û tenê neyên hiştin. Kurdên li Suriye bi siyasetên taybet dûçarî helandin û asimilasyonê, dûçarî kuştina fizîkî ya li demê belakirî dibin. Bi dehhezaran Kurdên ku nasnameya wan nîne û li welatê xwe, li ser axa xwe biyanî ne, hene.
Dîsa bi Kembera Erebî, erdê Kurdan ji wan hatiye standin û ereb têde hatine bicih kirin. Ziman, kultur û mafê wan yên jiyana rojane ji destên wan hatiye standin û hatine koçber kirin. Desthilatdariya otorîter ya Suriye jî, siyasetên klasîk dimeşîne. Bi vê pêwanê, divê ku gelê Kurd yên li çar parçeyên Kurdistanê dengê xwe bilind bikin û piştgiriyê bidin têkoşîna gelê Kurd yên li Suriye. Barê giran, herî zêde dikevê ser gelê Kurd yê Bakur."

Daxuyanî dibêje divê kê gelê Kurdistana Bakur dengê qîrêna Kurdên Binyaxetê bikin û ji bo çareseriya demokratîk dengê xwe bilind bikin. û van yekan lê zêde dike: "Guman têde nîne ku, eger gelê Kurdistana Bakur dengê xwe bi hêz bilind bike, dewleta Tirk jî, desthilatdariya Suriye jî, wê xwe dibin çavan re derbas bikin û bi hesab nêzîkî raperîna Gelê Kurd yên li Suriye bibin.
Baş tê zanîn ku çarenûsa her parçeyên Kurdistanê bi hevdîtinan ve girêdayî ye û hêzên dagirker, ku li ser xaka Kurdistanê rûniştine, li dijî tevahiya parçeyên Kurdistanê şer dikin. Dijmin baş dizane ku destketina Kurdan li parçeyekî ji xaka Kurdistanê, dibe destketiya parçeyên din û dixwaze wê destketinê têk bibe. Pêwîste Kurd jî, di heman çarçovê de li destketiyên xwe xwedî derbikeve û êrîşên li dijî parçeyên din, li dijî xwe bihesibîne û dijberiya xwe, di qada herî bilind de nîşan bide. Hingî dijmin wê zanibin ku, gelê Kurd ji hev ne cûda ne û çarenûsa kujer ya parçekirinê qebûl nake.
Bi vê pêwanê em bang li gelê Kurd yên çar parçeyên Kurdistanê û Ewropa teva dikin; bi taybetî em bang li gelê Bakurê Kurdistanê dikin ku, Kurdên Başûrê Rojhilat yên Suriye tenê nehêlin û xwedî li wan derbikevin û êrîşên kujerî yên li dijî gelê Kurd, di qada herî jor de û bi dijwarî protesto bikin.
Dîsa em bang li rewşenbîr, nivîskar û rojnamegerên Kurd teva dikin ku, bi hestiyar nêzîkî pirsgirêka Kurdên li Suriye bibin û dibin navê bêalîtî û serbixwetiyê de xwe nexapînin û newin lîstikên dijminên dagirker."

Van kesan îmzeya xwe avêtiye bin metnê:

Medeni FERHO, ( nivîskar, rojnamevan),
Rojan Hazim, (nivîskar),
Cahît Merwan, (rojnamevan, Belçîka)
Derwêş M. Ferho, (serokê Enstituya Kurd a Bruksel),
Samî Tan, (serokê enstutiya Kurd a Stanbolê),
Fehmî Balayi, (serokê Enstituya Kurdî, Elmanya),
Haydar Işik, (nivîskar),
Fergin Melik Aykoç, (nivîskar),
M. Drewş, (rojnamevan),
Burhan Erdem, (rojnamevan),
Şemdîn, (Hunermend),
Tariq Hemo, (rojnamevan),
Diyar Bohtî, (nivîskar, rojnamevan),
Duzgun Dewrêş, (rojnamevan),
Rotînda, (hunermend),
Seyitxan, (hunermend),
Xelîl Xemgîn, (hunermend),
Reşad Sorgul, (nivîskar, rojnamevan),
Loqman Guldive, (lêkolîner, nivîskar),
Ahmed Kahraman, (Rojnamevan, nivîskar),
Erdal Er, (rojnamevan),
Dewrim Arslan, (rojnamevan),
Bahar Dêrsim, (rojnamevan),
Mazlum Yildirim, (rojnamevan),
Mazhar Gunbat, (nivîkar, rojnamevan),
Mahmûd Onder, (rojnamevan),
Tayip Temel, (rojnamevan),
Rizo Xerzî, (helbestvan, rojnamevan),
Haqî Botan, (rojnamevan),
Azad Zal, (nivîskar),
Burhan Erdem, (rojnamevan),
Azîz Ogir, (nivîskar, rojnamevan),
Kawa Nemir, (helbestvan),
Kazim Oz, (Rejîsor),
Binevşa Berîvan, (Rejîsor),
Rojda, (hinermend),
Turabî Keşîn, (rojnamevan),
Fûad Kaw, (rojnamevan),
Adil Zozanî, (rojnamevan),
Îkram Balakanî, (rojnamevan),
Kazim Rubar, (hindekar),
Feqir Ehmed, (helbestvan),
Ahmed Dere, (nivîskar)
Hesen Huseyin Deniz, (nivîskar),
Shemzîn Cîhanî, (Nivîskar),
Can Kurd, (nivîskar),
Faruk Saki, (rojnamevan),
Amed Tigrîs, (nivîskar),
Neciba Omer, (rojnamevan),
Rukiye Ozmen, (nivîskar),
Mîrhem Yigît, (nivîskar),
Feyzî Ozmen, (Hindekar),
Ahmed Aktaş, (rojnamevan),
Baban Saqizî, (lêkolîner),
Kakşar Oramar, (rojnamevan),
Huseyin Amed, (rojnamevan),
Serîhildan Reşko, (rojnamevan),
Husyein Amed, (rojnamevan),
Tuwana Hewramî, (rojnamevan),
Saman Sahabî, (rojnamevan)
Hindirîn, (rojnamevan)