Diyarname
Xwendekarên kurd ên li Zanîngeha Hacettepe ya Enqereyê kovareke bi kurdî ya çandî, hunerî wêjeyî û ramanî bi navê ‘ASÎVA’ derxist.

Li gor agahiya amadekarên kovarê Asîva kovareke bi awayê ramyarî serbixwe ye û wan diruşma xwe jî wekî ‘Şewla di asoya tarî de diçirise’ diyar kiriye.

Hejmara yekem a kovara Asîva ku dawiya meha gulanê derket pêşberî xwendevanan ji nivîsên wêjeyî, felsefî, civaknasî, mîtolojî, çandî, hunerî û wergerên cur bi cur pêk tê.

Amadekarên kovarê ji xwe re kiriye armanc ku Asîvayê sê mehan carekê derxin û zimanê kovarê jî bi her sê zaravayên kurdî (kurmancî, kirdkî, soranî) ye.

Di kovarê de gelek kesî bi nivîs, werger û helbestên xwe cih girtiye.