Diyarname
Îsal 'Nivîskara Rûmetê' ya 31'emîn Fûara Pirtûkan a Stenbolê ye û Mêvanê Rûmetê ya Fûarê jî îsal Hollanda ye.

31'emîn Fûara Pirtûkan a Stenbolê TUYAP îsal di navbera 17-25'ê sermawezê de li dar dikeve. Welatê ku Mêvanê Rûmetê û nivîskara/ê ku Nivîskara Rûmetê ne bi daxuyaniyeke çapemeniyê hate eşkerekirin.
Lijneya Şêwirmendiyê ya Fûarên Pirtûkan birya da ku îsal nivîskar Gulten Dayioglu bikin 'Nivîskara Rûmetê'. Di vê çarçoveyê de di fûarê de wê li ser berhemên Dayioglu gotûbêj û panel li dar bikeve, pêşangeha ku ji xebat û jiyana wê pêk tê jî dê li dar bikeve.
Lijneyê wekî mijara bingehîn a fûarê jî îsal "Zarokatiya min welatê min- wêjeya zarok û ciwanan" diyarkiriye.

Lijneyê ji ber 400'emîn têkiliyên dîplomatîk ên Tirkiye û Hollandayê welatê Hollanda wekî "Mêvara Rûmetê" hilbijartin. Di hafteyeke fûarê de dê gotûbêj, panel, xebatên atolyeya îllustrasyonê, hevdîtinên profesyonel û pêşangeheke li dar bikeve.

Îsal ji Tirkiye û derveyî Tirkiyeyê li bendê ne ku bi ser 600 weşanxane û saziyên sivîl ve beşdarî fûarê bibin. Her wiha digel fûra pirtûkan 22'yemîn Fûara Huner-Artist 2012 jî dê li dar bikeve.

Gulten Dayioglu kî ye?

Dayioglu ku bi eslê xwe gurcî ye di sala 1935'an de hatiye dinê. Dayioglu ku zêdetir bi pirtûkên ji bo zarokan derketiye pêş, digel wan gelek romanên wê yên çapbûyî jî hene. Nivîskar Gulten Dayioglu digel gelek xelatên din, Xelata Yunus Nadî jî girtiye. Dayioglu wekî yekemîn pirtûka xwe bi navê "Bahçivanin Oglu" (Kurê Bexçevan, pirtûka zarokan) weşandibû