Diyarname
Wezareta Çandê ya Tirkiyeyê destûr neda belgefîlmê bi navê "Destanek Serhildanê: Bêrîvan" ku bikeve vîzyonê.

Ji bo şermezarkirina vê biryarê li Sîne-Senê bi beşdariya derhênerê fîlm Aydin Orak, Çayan Demirel, Kazim Oz daxuyaniyeke şermezarkirinê hate dayîn.

Wezaretê bi îdîaya "Propagandaya PKK'ê dike" destûr neda belgefîlm ku bikevi vîzyonê. Di daxuyaniya çapemeniyê de Serokê Sînewsenê Zafer Aydar axivî, zîhniyeta qedexekar û sekna Wezareta Çandê şermezar kir û wiha axivî: “Bêhiqûqiya li dijî her qadên jiyanê ku îqtîdar pêş dixe em dibînin ku di qada çand û hunerê de jî di warê sînemayê de jî xwe dubare dike.”

Derhêner Orak jî wisa got: "Belgefîlm, ji bilî ku tiştekî lê zêde bike rastiya wan salan bi awayekî objektîf tîne ziman. Di belgeselê de me behsa Newroza sala 1992’yan a Cizîrê kiriye. Ger ku di belgefîlm de tenê porpaganda hebûya dê ev belgefîlm di 30’emîn Festîvala Fîlman a Stenbolê de jî nehata nîşandan.” 

Mijara belgefîlmê "Bêrîvan"ê li ser buyerên Newroza sala 1992'an e. Di dema pîrozbahiya Newrozê keçek 17 salî bi navê  Bêrîvan ku rê dida pêş gel, hatibû girtin û îşkence xwaribû. Piştî derhêner Orak li Ewropayê ew dît, pêre hevpeyvîn kir û li ser wê û bûyerên Newroza 1992'yan belgefîlma xwe saz kir.