Diyarname
Weqfa Çand û Hunerê ya Başakê ku ji bo zarokên koçber û xizan xebatê dike 5'emîn salvegera we pîroz kir.

Weqfa Çand û Hunerê ya Başakê ku li taxeke dûr a Stenbolê, li Kayişdagiyê ji bo zarokên koçber û xizan xebatê dike di sala 2003'yan de hatiye avakirin.
Weqfa ku navê xwe ji Hêlîn Başak Kanatê digire di warê muzîk, şano, wêne, seramîk, pandomîm, reqsên gel, kişikê de dersê dide zarokan.
 
Weqfê ji bo 5 saliya xwe li Navenda Perwerdehiya Gel a Kadikoya Stenbolê şevake li dar xist. Di şevê de zarokên Başakê bi reqs û muzîka xwe, Kome Semahê ya Karaca Ahmetê bi semah û stranên xwe, koma rockê ya Karadenîzê Mirsis jî bi stranên xwe yên lazkî, koma muzîkê Uç Tel Bir Omur jî bi stranên gel derket pêşberî temaşevanan.

Yek ji rengîn û balkêşiya şevê koma Muzîkê Piya ya enternasyonal bû. Koma ku edamên wê ji Yewnanistan, Îtalya, Avusturya, Portekîz û Fransayê bû ev demekê ye hatine Başakê û li wir xebatên cihêreng dikin. Di vê demê de jî hînê muzîkên cihêreng bûne û di şevê de ev hunera xwe pêşkêş kirin. Komê digel muzîka enstrumantal, stranên bi kurdî yên wekî "Demê", "Keçika Dêrsimî", "Dêra Sore" xwendin û temaşevanan ji bo wan bi xurtî li çepikan da.
 
Her wiha di şevê de pandomîmkarê ji Batmanê M. Ata Aksoy bi navê "Zarok û Koç" lîstika xwe ya pandomîmî pêşkêş kir û zarokên Başakê jî pêre şirîkatî kir. Şeva Başakê bi stranên Metin Kahraman û hevalên wî bi dawî bû.

Foto: Cemil Oguz

**

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.