Diyarname
Merengozekî çînî yê bi navê Ziona Chana (67) ku li Hindistanê dijî bi temamî 39 jin, 94 zarok û 33 neviyên wî hene. Ew malbat bi vê hejmarê bû xwedî pênasa malbata herî mezin a dinyayê.

Ziona Chana li gundê Baktawng a eyaleta Mizoramê dijî. Merengozê 67 salî xwedî 39 jinan, 94 zarokan, 14 bûkan û 33 neviyan e ku bi temamî dikin 181 kes. Malbat li avahiyeke 4 qatî, 100 odeyî de dijî.

Avahiyên li ser Ziona Chana bi van xelas nabin. Ew çînî ye, li Çînê destûr ji bo zarokên zêde nîn e, lê ew ne li Çînê, li Hindistanê dijî û rêberê mezheba Chana ye. Ev mezheb destûrê dide mirovan ku bi qasî mirov bixwaze bi ew qas jinan re bizewice. Ziona jî di salekê de bi 10 jinan re zewiciye û di vî warî de jî rekor şikandiye. Herî dawî jî ew par zewiciye lê hê jî li jinek din digere ku pêre bizewice.

Merengozê ku rojnameya îngilîz The Sun pêre axaifiye wisa dibêje: "Ez wekî bavê malbata herî mezin a dinyayê û mêrê 39 jinan ez xwe wekî kesek bi siûd dihesibînim. Ez zarokê taybet ê Xwedê me."

Jinên wî jî ji ber vê rewşê dilşad in. Yek ji jinên wî Rinkimi wisa dibêje: "Ew kesê herî qeşeng ê gund e. Hurmet û xizmeta ji bo wî, wekî xizmeta ji bo Xwedê ye."

Jina bi navê Huntharnghanki dibêje ku li nav malbatê her kas li hev dike, hurmet û hezkirina her kesî li hemberî hev heye.

Li mala ku ev malbata herî mezin lê dijî disîplîneke wekî ya leşkerî heye. Jina herî eştiyar Zathiangi her tiştî organîze dike. Jinên ciwan li nêzî odeyên Ziona dimînin, yên extiyar li odeyên hinek din dûr dimînin. Jin bi dorê diçin odeya Ziona. Li mal wekî şîv 30 mirîşk, 100 kîlo birinc, 60 kîlo kartol tê çêkirin.