Wêranşar
Li Wêranşarê bi beşdariya Muge Îplikçi, Şeyhmus Diken, Lal Laleş û Dilawer Zeraq gotûbêjeke li dar ket.

Xebata "Du ziman digihîjin hev" ku ji aliyê Weşanên Lîsê û Şaredariya Wêranşarê ve hate organîzekirin bi beşdariya nivîskar Muge İplikçi, Şeyhmus Diken, Lal Laleş, Dilawer Zeraq li Navenda Çanda Şaredariya Wêranşarê li dar ket. Şaredarê Wêranşarê Emrullah Cin jî di nav de li dor 300 kesî beşdar bû.

Di gotûbêjê de nivîskar li ser ptarîka Komara Tirkiyeyê ya 80 salan sekinî, da zanîn ku ji bilî tirkî tu ziman nehatiye qebûlkirin, Dîken got ku kurdî jî bi qasî zimanên din dewlemend e.
Nivîskar Muge Îplîkçî diyar kir ku ew yekem car tê Wêranşarê loma bi heyecan e û got; "Pêdiviya me bi du zimanan jî, pirçandîtî jî heye. Ev pêdivî ye. Em aciz bûn êdî hev sûcdar bikin, ez aciz bûm. Ez dixwazim di qada mirovbûnê de em bên cem hev."

Nivîskar û werger Dilawer Zeraq jî got ku "Ziman hebûna mirov e. Ziman nebe hebûn nabe, yan jî têm dimîne. Tiştê ku hebûna me dike xwedî qîmetê ziman e. Zimanê me nîşan dide ku em kî ne, çi ne. Wergera bi kurdî girîng e, divê em di her warî de wergerê bikin."
Edîtorê Weşanên Lîsê Lal Laleş jî diyar kir ku wan hem bi kurdî, hem bi tirkî bi  heman tehmê berhem pêşkêş kirine.

Ji DÎHA'yê hatiye girtin