Omer Dilsoz 

Li gorî salnameya Mayayê 31’ê berfanbara 2011’an dê dawiya dinyayê bê, astrolog gelek girîngiyê bi vê dîrokê didin û tê şîrovekirin ku sala 1012’yan dê li dinyayê guhartinên gelek mezin çêbin, heta, tê îdîakirin ku xelkê asîmanan dê bi Ofoyan bên û têkiliyê bi vê cîhanê re çêkin...
Helbet sînorên texmîn û hizrên mirovan nayên pîvan, aşkere ye, mirovahî, ji roja destpêka serhatiya xwe ve her tim li pey nûbûn û nûdîtinan bûye, kelecana “afirandin û pêkanînê” ji bo nifşê mirovan tim li pêşiya her tiştî bûye.
Ango, berê ‘mirovahiyê’ tim pêş e, rêveçûn her dem ber bi pêşvetir ve diçe û armanc jî her pêkanîna nûtira nûtirê ye.
Bi vê perspektîfê gava em li “rewşa Kurdistanê” binêrin û doza kurdan a “hebûnê” binirxînin, em ê salekê berî bidawîhatina demsala Mayayê dîmeneke gelekî têkel û cuda bibînin.
Sala 2011’an li ser rûyê erdê, xelkek bi navê kurd heye... Dibêjin nifûsa vî gelî li dora 40 mîlyonan e, 25’ê wê li ser xeta Bakur, li nav sînorê Komara Tirkiyeyê dijîn.
Dibêjin û gelek tiştî jî lê zêde dikin, berî bidawîhatina salnameya Mayayê, kurd, hê jî, sêwiyên Rojhilata Navîn in.
Hez kin werin em bi hev re ji bo sala 2011’an ya kurdan hin “pêşniyan” li vê derê bi hev re parve bikin.
Dibêjin, hatina biharê ji zivistanê xuya ye; li gorî vê, eşkere ye ku îsal, kurdên me yên bakur, dê li gorî “kontunkturê” ji bo bidestxistina hin “mafên xwe yên kultûrî û kolektîf” bizavê bikin.
Heta hilbijartina 12 pûşperê, dê bi awayekî tund nîqaşa “duzimanî” û “xweseriyê” geştir û berfirehtir bê meşandin.
Kurdên başûr dê hewl bidin têkiliyên xwe yên dîplomatîk û aborî bi dewletên derdorê re firehtir bikin.
Kurdên Sûriye û Îranê jî îsal dê pirtir di rojeva cîhanê de derkevin pêş.
Nîşaneyên vê yekê xuya dibin. Amerîka “nasê kurdan” ji bo Sefîrê Enqereyê tayîn kir, ev nîşana wê ye, ku DYA dixwaze, demên pêş, polîtîkaya xwe ya ji bo Tirkiye û Rojhilata Navîn de, kurdên Tirkiyeyê pirtir paxavê pê bike.
Tirkiye, di polîtîkaya navxweyî de, heta hilbijartinê dê “li ser şerê dengeyan” bi rê ve biçe; bi Makezagona piştî hilbijartinê ku biryar e bê çêkirin, dê rengê rastîn ê siyaseta hikumet û dewletê ya ji bo kurdan xuya bike.   
Welhasil, wisa xuya ye, heta OFO ji galaksiya Endrumenayê neyên û piştgiriya “Projeyên Xweserî û Duzimanî” ya me kurdan nekin, wisa diyar e, “TEK”ên  hikumet û dewletê ya li ser TIRSAN şax vedane, dê berdewam bin.
Ma hûn çi dibêjin, em li benda OFO’yan bin, xeman nexwin serê 2012’an tên ha: ))
Bi hêviyên xweş…

omerdilsoz@yahoo.com

***

Nivîsên Omer Dilsoz ên ku berê di Diyarnameyê de hatine weşandin:

-Çîroka herî kin
- Bangên xwedîtiyê û ‘xwelîseri’ya karê kurdî
- Ji bilî me kurdan kes nabêje ‘dewê min tirş e’
- Sibeya cejnê li Mexmûrê
- Şîfreyên dema nû û tiştên bêne kirin
- Nivîskariya kurdî û derdê ‘Ax piştê!’