Diyarname

Vîrusê koronayê hemû jiyana çandî tevlihev kiriye û loma jî salonên sînemayê, festîval her têne betalkirin û ji bo salên pêş jî biryarên nû têne girtin. Globa Zêrîn ku ji ber vê rewşê berê biryarên nû girtibûn û niha biryarek nû li wan zêde kir.

Glbola Zêrîn fîlmên di nav salê de yên ku ketibûn vîzyonê dinirxand û ew xelat dikirin. Ji ber ku ji ber vîrusa koronayê salonên sînemayê girtîne û fîlm nikarin bikevin vîzyonê amadekarên Globa Zêrîn biryar dabû ku ji bo sala pêşiya me "şertê ketina vîzyonê" betal bikin. Globa Zêrîn niha jî ji bo fîlmên ku di Beşa Fîlmên bi Zimanê Biyanî de dikevin pêşbaziyê heman biryar girt. Ji bo vê yekê hat gotin ku fîlm li welatê xwe an di qada navneteweyî de li ser platforma online hatibe nîşandayîn têrê dike.

Xelatên Globa Zêrîn ji aliyê "HFPA"yê (Hollywood Foreign Press Association - Yekîtiya Çapemeniya Biyanî ya Hollywoodê) ve tê lidar xistin û sala bê dê 78'emîn car li dar bikeve. Dê pêşkêşvaniya merasima Xelatdayîna Globên Zêrîn a 78'an Tina Fey û Amy Poehler bikin. Dîroka teqet hê diyar nebûye.

77'emîn Xelatên Globa Zêrîn îsal êvaran 5'ê berfanbarê li dar ketibû û fîlmê derhêner Sam Mendes ê bi navê "1917" Xelata Fîlmê Herî Serketî girtibû. Di warê Fîlmê Bi Zimanê Biyanî de jî ji Koreya Başûr fîlmê derhêner Bong Joon-ho "Parazîte" bi ser ketibû.