Diyarname
Mebûsên BDP îsal bi kurdî meclis xemilandin lê ji vê wêdetir bi performansa xwe ya dayîna pêşniyarên zagonê û pirsiyarnameyan bal kişandin ser xwe.

Ji Sevahir Bayindir heta Bingi Yildiz, ji wî heta Hasip Kaplan û Sirri Sakik hema bibêje hemû mebûsên BDP'ê îsal carnan di nav axaftinên xwe yên di meclisê de kurdî bikar anîn. Bi vê yekê aliyê kurdan kêfxweş bûn lê aliyê din ê civakê jî hêrs bûn.
Ji vê wêdetir performansa BDP'yiyan a di meclisê de bi pêşniyarên zagonê û pirsiyarnameyan bal kişand.

Vaye çend not:

- BDP'yiyan ji pirsgirêka kurd bigire heta li ser demokratîkbûnê, mafên mirovan û pirsgirêkên din ên di rojevê de di meclisê de mafê gotinê girtin û dîtinên xwe anîn ziman. Mebûsên BDP'ê bi giştî 548 caran li ber kursiya meclisê li ser mijaran fikir û romanên xwe anîn ziman.

- BDP'yiyan 735 pirsiyarname dan. Di salekê de BDP'yiyan li ser 188 mijaran pêşniyara lêkolînkirinê da û 61 jî pêşniyara zagonê dan.

- BDP'yiyan bi giştî 70 caran li meclisê daxuyaniya civînên ji bo çapemeniyê li dar xist

***