Diyarname

Qeydên Serokatiya Daîreya Goristanan a Şaredariya Bajarê Mezin a Stenbolê agahiyên balkêş didin. Li gor van qeydeyan di mehên adar û avrêlê/nîsanê de li gor par 3 hezar û 600 kes zêdetir mirine.

Di vê serdema vîrusa koronayê de şika ku li Tirkiyeyê hejmara miriyan vedişêre heye. Şika herî zêde jî li ser agahiyên li Stenbolê ye. Li ser vê yekê ji rojnameya Sozcuyê Ozlem Guvemlî xwe gihandiye qeydên miriyên li Stenbolên ên du mehan. Rojnameyê ji Serokatiya Daîreya Goristanan a Şaredariya Bajarê Mezin a Stenbolê qeyd girtine û dibêje ku par di her du mehan de 12 hezar û 745 kes mirine, di her du mehên 2020'an de 16 hezar û 345 kes mirine; bi gotineke din îsal li gor par 3.600 kes zêdetir mirine.

Rojname dibêje di meha adarê par de 6 hezar û 630 lê di adara îsal de 7 hezar û 281 kes mirine. Dîsa di avrêla par de 6 hezar û 115 kes mirine lê di avrêla îsal de ev hejmar derketiye 9 hezar û 64 kesî.

Ev îstatîstîk nîşan didin ku herî zêde di meha avrêlê de çêbûne. Û ev agahî jî lê tê zêdekirin: Di 20'ê avrêla 2019'an de 203 kes mirine, lê di 20'ê avrêla îsal de 399 kes.

Rojname diyar dike ku ev hejmar aîdê hemû mirinan e lê agahiyeke taybet a li ser mirinên ji vîrusa koronayê nîn e.

Li aliyê din nivîskarê rojnameyê Yilmaz Ozdil jî roj bi roj agahiya mirinên li Stenbolê yên par û îsal dabûn ber hev.
Ozdil bal kişandiye ser mirinên zêde yên li Stenbolê û bi ser de jî wisa gotiye, "Ji dema ku bi "awayekî fermî" vîrus dest pê kiriye li gor par 3.705 kes zêdetir mirine. Bi ser de jî îsal hema bêje qet qezayên trafîkê çênebûne, qezayên li cihên kar jî. Di rapora van van wefata de 'nexweşiya berbelav' tê nivîsandin. Dema nexweşiya berbelav tê pirsîn dibêjin zekem an zature. Lê em li raporên par dinêrin kesên ji zekem an zatûreyê mirine negotine 'xweşiya berbelav'. Di raporên pan ên yekê de jî ev nehatiye nivîsîn.