QAMIŞLO

Partiya Yekîtiya Demokratîk (PYD) derbarê bûyerên li Amûdê daxuyaniyek nivîskî weşand. PYD᾿ê  ji Desteya Bilind a Kurd xwest da ku berpirsyariyên xwe bi cih bîne, di zûtirîn dem de dest bi lêpirsînê bike û rastiya bûyerê were eşker kirin û berpirsyarên bûyerê werin darizandin.

Di daxuyaniyê de hate gotin ku dema gelê me li Efrîn ji aliyê komên çekdar ve hatiye dorpêçkirin û herêma Cizîrê ji ber girtina deriyê Sînor ê Sêmalka ji aliyê rayedarên Başûrê Kurdistanê ve di nava ambargoyê de ye. Hêzên rêjîma Baas jî li Helebê êrîşî taxên kurdan Şêxmeqsûd û Eşrefiyê dikin. Di daxuyaniyê de hate destnîşankirin ku YPG᾿ê û hêzên Asayîşê li Amûdê bi hayedarî tevdigeriyan da ku  neyên provakasyonên komên çete ku ji aliyê hêzên derve û hin çeteyên bi wan ve girêdayî  ev demeke di nava hewldanên xirab kirinê de ne.᾿̓

Di daxuyaniyê de hate gotin ku plana li Amûdê li dijî şervanên YPG᾿ê ên ji operasyona dijî komên çekdar li herêma Bendava Şerqî û riya Dirbêsiyê-Hesekê serkeftî vedigeriyan pêk hatiye, bi  kevir û guleyan ji aliyê kurdên ku piştgiriya dijminên gelê kurd dikin pêk hatiye.

Di berdewama daxuyaniyê de ev tişt hate gotin:᾿̓ Ev aliyên bi guman li otêlên Stenbolê rûniştine û bi alîkariya hin saziyên çapemeniyê yên bê nirx nûçeyan belavdikin ku hêzên YPG’ê û Aasayîşê girêdayî PYD᾿ê ne. Bi vî awayî dixwazin nakokiyên xwe yên partiyî bidin pêş. Bi vê yekê dixwazin hêzên parastinê li Rojavayê Kurdistanê bikin ya partiyekê û bidin nîşandan ku ji mafê partiyên dine hêzên xwe yê leşkerî avabikin û Rojavayê Kurdistanê bikin qada komên çekdar.Ji ber ku destê van hêzan di çandina heşîşê de hebû û hêzên Asayîşê heşîş hildikir êrîşî hêzên Asayîşê dikin.᾿̓

Di berdewama daxuyaniyê de hate gotin PYD  serbilinde bi hebûna vê hêzê û wiha pêde çû: ᾿̓Du hêzên ku gelek plan û êrîşên li dijî gelê me vala derxistin, gelek caran diyarkirin ku bi  heman nêzîkatiyê nêzî  hemû partî û rêxistinên siyasî yên kurd dibin. Niha jî Asayîş û YPG ne mecbûrin ku belgeyan ji bo kesên çetetî û koletî qebûlkirine destnîşan bikin. Hemû pêkhateyên Rojavayê Kurdistanê ji Ereb, Kurd, Asûrî, Ermenî, Suryanî, Xiristiyan û Misliman li YPG û Asayîşê wek 2 hêzên navnetewî dinêrin.᾿̓  

Di daxuyaniyê de hate destnîşankirin ev kesên çete hewldidin ku Amûdê perçe bikin û bang li komên çekdar dikin û ev tişt hate gotin: ᾿̓Ev çete kesên li Hewlêr û Stenbolê ne. pêwîste gelê me yê bexwedêr li dijî planan derkevin, ji kesên li ser hin kanalên Tv derdikevin û nûçeyên weke şerê navxweyiye belavdikin, şermezar bikin û bizanin ku ev kes jî beşek ji planê ne, pêwîste ji xeta xwe ya şaş vegerin.᾿̓

Di dawiya daxuyaniyê de ev tişt hate gotin: ᾿̓Em wek Partiya Yekîtiya Demokratîk (PYD) bang li Desteya Bilind a Kurd dikin da ku bi erk û berpirsyariyên xwe rabe, derbarê bûyerên Amûdê de dest bi lêpirsînê bike û di zûtirîn demê de rastiyên bûyerê eşkera bike, da ku perpirsyarên bûyerê werin darizandin.᾿̓

Ji ANHA'yê hatiye girtin