Diyarname
Radyoya Erîwanê di sala 1955'an de bi gotina "Guhdarên Ezîz" dest bi weşanê kir. Êdî gotina "Guhdarên Ezîz" ji Erîwanê derket, mala kurdên li Sovyetê, ji wir jî li seran serê malên kurdên li her derê belav bû. Vê radyoyê mîrateyeke gelek mezin li dû xwe hişt bi taybetî di warê klaman de. Bi sedan klam li wir hatin gotin, tomarkirin û ji windabûnê hatin rizgarkirin. Niha ew klam li ser kanaleke Youtube dîsa li pêşberî "Guhdarên Eziz" in.
Enstîtuya Çandî ya Alman-Kurdî xebateke girîng kir û ev arşîva Radyoya Erîwanê li kanala xwe bar kir. Di kanalê de bi sedan klamên Radyoya Erîwanê hene. Ew klam ji aliyê bi dehan dengbêjan ve hatine gotin.
Ji Şevaşê Ahmed, Siloyê Evdal, Sûsika Simo, Xemoyê Hesen, Sebîra Îsmaîl, Şibliyê Çazan heta Şevavê Egît, Zadîna Şakir, Temûrê Fetî, Temûrê Tele, Temûrê Xelîl, ji Ûsivê Mihemed, Toqasa Xemo, Xidirê Biro, heta Xemoyê Hesen, Xana Ûso, Xana Zazê, Şeroyê Biro, Reşîdê Baso, Reşîdê Siyabend, Rizayê Elî, Reşîmê Memilî, Memoyê Silo, Mehmedê Mûsa, Kubara Xido û heta Karapetê Xaço û heta gelekên din deng dane radyoyê û deng û klamên wan hatine tomarkirin. Niha ew klam li ser kanala youtube li benda guhdaran e. Ji bilî navên hatine gotin hin klam ji aliyê "Koma Radyoya Erîwanê" ve jî hatine gotin û ew jî di kanalê de hatine bi cih kirin.
Pirtûkên li ser radyoyê
Her wiha berê li ser vê radyoyê hin pirtûk jî hatibûn çap kirin. Ji van pirtûka Zerî Înanç bi navê "Di Radyoya Êrîvanê de Dengê Kurdî" ji Weşanên Weqfa Îsmaîl Beşîkçî, pirtûka Cewad Merwanî bi navê "Stranên Rîtmîk ên Radyoya Erîwanê" jî ji Weşanên Aramê derketibû. Mihemet Ava bi navê "Dengbêj, Çîrokên Klaman Radyoya Erîvanê" ji Weşanên Arê derketibû.
Ji bo kanala youtube a van klaman:
**
Û bi dengê Koma Radyoya Erîwanê fermo klama "Ximşê":
.jpg)
