Diyarname
Pêşangeha "Tiştên me veneşartin" li Dêrsim, Amed, Rihayê derdikeve pêşberî hunerhezan.

Di nav dîrokê de gelek tiştên ku hatine veşartin, hatine piştguhkirin hene. Yên ku nehatine piştguhkirin di pêşangeha bi sernavê "Tiştên me veneşartin" de derdikevin pêşberî hunerhezan. Pêşangeha ku ji bo sedsaliya şoreşgera Tirkiyeyê Behice Boran hatiye amadekirin wê di navbera 5-15'ê vê mehê li Navenda Çanda Şaredariya Dêrsimê de, di navbera 16-20'ê mehê li Navenda Çanda Cegerxwîn a li Kayapinara Amedê de û di navbera 21-22'yê mehê de jî li Navenda Çanda Mîmoza ya Şaredariya Rihayê derkeve pêşberî hunerhezan.

Behice Boran di sala 1965'an de bû mebûsa TÎP'ê ya Rihayê û di sala 1970'ê de, di 4'emîn Kongeraya Mezin a TÎP'ê de bû Seroka TÎP'ê û şanenava xwe avêt bin biryarên li ser "Pirsgirêka Kurd".

Şaredariya Dêrsimê salên borî navê Boran li kolaneke xwe kir. Îsal jî sedemîn salvegera rojbûna Boran e û di vê çarçoveyê de gelek çalakî di bin navê "Boran 100 salî ye" têne li dar xistin.