Diyarname

Li Tirkiyeyê niha sê îtîfaqên sereke hene. Yek ji wan Cumhur Îtîfaqî (Îtîfaqa Komarê) ye ku têde AKP û MHP hebûn. Niha Huda-Par jî beşdarî wan bû.

Bi navê xwe yê dirêj Hur Dava Partîsî (Huda-Par) ev biryara xwe îro eşkere kir. Serokê Huda-Parê Zekeriya Yapicioglu îro li Amedê ligel Lijneya Îdarî ya Giştî ya partiya xwe civiya û piştî civînê biryara xwe ragihand. Yapicioglu got: "Me biryar girt emê di hilbijartinê de piştgiriya Cumhur Îtîfaki, berendamê wê birêz Serokomar Erdoganî bikin. Bila ev biryar ji bo milet û memleketê me pîroz be. Ji bo hilbijartina parlementoyê jî hevdîtinên me didomin."

Hat îdîakirin ku Huda-Par ji îtîfaqê yek ji Amedê, yek ji Wanê du mebûs xwestine û bi vî awayî beşdarî îtîfaqê dibin.