Diyarname
Ev gotina ku me wekî sernav bikar aniya gotina zimanzanê kurd Michael Chyet e. Chyet ku ji bo ji bo Nûbiharê axiviye xeyala xwe ya ji bo kurdî aniya ziman.
Kovara Nûbiharê ku sê mehan carek derdike di hejmara xwe ya payizê ya 149'an de hevpeyvîna ligel zimanzanê kurd Chyet jî weşandiye. Rojnameger Salihê Kevirbirî ligel Chyet axivî û hevpeyvîn bi sernavê "Gelo kurd wê kengê sîstema perwerdehiya xwe saz bikin?" hatiye weşandin. Chyet wisa dibêje: "Bi rastî jî xewna min ew e ku hemû zarokên kurdan li çar perçeyên welat û seranserê dinyayê, bi her du zaravayên sereke û bi du alfabeyan bêne perwerdekirin."
Ji nivîsên din, nivîskar Nihat Gultekin li ser "84 saliya kurdolog Celîlê Celîl" nivîsek amade kiriye û li ser jiyan û xebata wî agahî dane. Nivîskar û lêkolîner Rohat Alakom jî çîrokek soranî ku li ser serhildana Agiriyê, di sala 1960'î de ji aliyê Kawus Qaftan ve hatiye nivîsandin bi Ziya Avci daye veguhastin ji bo kurmancî û digel metnek weşandiye.
Demeke berê Weqfa Mezopotamyayê bi navê “Rêberê Rastnivîsînê” ku ji aliyê komxebatekê ve amade bûye weşandibû. Yaşar Eroglu li ser vê xebatê nivîseke nirxandinî weşandiye.
Murad Celalî, Ali Karadeniz, Shahînê Bekirê Sorekli. Xweşmêr, Abdullah Can, M. Xalid Sadînî, Mahsûn Reşçelan, Mustafa Dehqan (werger: M. Ş. Filiz), Evdî Hesqera û Selimê Ahmed bi nivîsên xwe, Hafizê Şîrazî (werger: A. Acar), Rojen Barnas, M. Zahir Ertekin, Berken Bereh, Mewlana Celaleddînê Romî (werger: A. Acar), Ingeborg Bachmann (werger: A. İncekan), Ahmed Arif (werger: T. İnanç), Firat Keklik, Ebdulqadir Kızılkaya, Bedirxan Epozdemir, Hengov, Sidîq Gorîcan û Suat Baran jî bi helbestên xwe di kovarê de cih girtiye.
Ji bo têkilî:
Tel: 0212 519 00 09- 0505 259 84 02
Mail: nubihar@gmail.com