Diyarname
El Clasicoya îsal ku hemû dinya li bendê bû bi dawî bû. Helbet dîsa di El Clasicoyê de Barselona bi ser ket.

Derbiya herî mezin a dinyayê, derbiya ku hema bibêje hemû fûtbolhezên dinyayê li bendê El Clasico li Stada Real Madrid Barnebau hat lîstin.

Real Madris di 15 maçên ku îsal lîstin de tenê carekê têk çûbû û bi maçek kêm bi 3 pûanan li pêşiya Barselonayê lîder bû. Barselona bi 34 pûanan di rêza duyemîn de bû. Gelek kesî Real Madrid wekî favorî nîşan dida, lê yên ku Barselona nas dikini û hez dikirin wekî her gav ji jê bawer bûn. Maç bi vî awayî dest pê kir.

Hê di deqîqeya yekemîn de qeleparêz Valdez xetayeke mezin kir û Berzama efû nekir: Real Madrid bi 1-0 ket pêşiya Berselonayê.

Di deqîqeya 30'î de Barselonayê bi Aleksis Sanchez bersiv da: 1-1.

Beşa yekemîn a maçê bi vî awayî bi dawî bû. Di beşa duyemîn de Barselona zêdetir serdest bû û vê serdestiyê di deqîqeya 53'yan de Xavî li gogê da, gog li Marceloyê Madridê ket û encam bû 1-2.

Piştî vê golê R. Madrid zêdetir ji hal ket û pêre jî nekarî pêşî gola Fabregas bigire: 1-3,

Bi vê encamê Barselonayê jî pûanên xwe derxist 37'an û bi maçeke zêde bû lîder.

Notên li ser El Clasicoyan

Heta niha 215 El Clasico hatine lîstin. Di 86'ê van de Real Madrid, di 84'ê van de Barselona bi ser ketibû û di 45 maçan de jî wekhev mane. Real Madrid bi giştî 354 gol avêtine, Barselonayê 347. Bi vê maça dawî de hejmara serketina maçên Barselonayê derket 85'an û hejmara golan jî derket 350'î (yê Real Madrid jî bû 355).

Di El Clasicoyan de herî zêde lîstikvanê efsanewî yê Real Madridê Stefano gol avêtiye. Stefano 18 gol avêtine û piştî wî dîsa lîstikvanê Madridê Raul Gonzalez tê ku wî jî 15 avêtine.

Guardiola: Gelek gog ji dest me çûn, emê li ser bixebitin

Teknîk dîrektorê Barselonayê piştî maçê daxuyanî da çapemeniyê û got: "Bi ya min 3 pûanên me bi dest xistin ne girîn in. Ji bo sal bi dawî bibe hê gelek heye. Ji meha berfanbarê de mirov qala şampiyoniyê bike hinek zû ye."

Guardola got ku tiştek mikemel nîn e, hin windahiyên me jî çêdibin û wisa got: "Gelek gog ji dest me çûn, em gerek hinek din vegerin ser koka xwe, hinek din baldar bin. Lê divê em hewldaha lîstikvanan jî pîroz bikin. Li hemberî tîma Madridê hin pirsgirêkê êrîşkirinê derketin pêşiya me, emê vê careke din binirxînin."

Guardola got: "Me fûtbol neafirandiye, em naafirînin, heta ji destê me tê em dikin ku baş bilîzin" û ev yek lê zêde kir: "Em dikin ku her gav li dora gogê kesek zêde bin û bi lez pasê bidin."