Diyarname
Stranbêj Silo Qiz ku yek ji şahidên Komkujiya Dêrsimê bû roja 14'ê mehê di 104 saliya xwe de wefat kir û îro cenazeyê wî hat definkirin.
Silo Qiz wekî hosteyê gotin û kemanê bû. Di 5 saliya xwe de hînê lêdana kemanê bûbû. Di Komkujiya Dêrsimê de hemû endamên malbatê têne kuştin. Ji bo wî jî dibêjin "Bi deng û kemana xwe ewê me bicoşîne, em wî nekujin" û bi vî awayî sax dimîne.
Silo Qiz bi deng û kemana xwe her qala wê komkujiyê kir, bû dengê wê demê. Cenazeyê wî roja 15'ê mehê li Gundê Milî ya bi ser Dêrsimê re hat definkirin.