Diyarname

7'emîn Fûara Pirtûkan a Amedê ku ji aliyê TUYAP'ê ve tê organîzekirin îsal di navbera rojên 28'ê rezberê û 6'ê kewçêrê de li dar dikeve.

Fûad li Navenda Kongre û Fûarê ya Amedê ya TUYAP'ê dê li dar bikeve û her rojsaet di navbera 10.00-19.30, roja dawî saet di navbera 10.00-19'.00'an de vekirî be.

Îsal li dor 130 weşanxane û saziyên sivîl dê standan vekin, li dor 75 çalakiyên çandî dê li dar bikevin. Her wiha bi sedan nivîskar dê ji bo xwendevanan pirtûkên xwe îmze bikin. Di fûarê de hemû weşanxaneyên kurdan standan vedikin.

Gelek nivîskarên kurd û tirk dê li fûarê amade bin ku hin ji van ku navên wan diyar bûne ev in: Lal Laleş, Berken Bereh, Şener Ozmen, Selîm Temo, Şeyhmus Diken, Vecdi Erbay, İsmail Beşikçi, Adnan Ozyalçıiner, Canan Tan, Ahmet Telli, Mine Sogut, Altan Oymen, Aytul Akal, Ahmet Şimşirgil, Latife Tekin, Bahadir Yenişehirlioglu, Feryal Saygılıgil, Kemal Hamamcioglu, Birsen Ekim Ozen, Kemal Varol, Ayşe Hur, Gaye Boralioglu, Erdogan Aydin, Toprak Işik, Gulseren Budayicıoglu, Çigdem Gundeş.

Çalakiyên fûarê jî hêdî hêdî diyar dibin. Weşanên kurd ên wekî Avesta, Peywend, Nûbihar û hwd dê panelan li dar bixin. Nivîskar Şeyhmus Diken ji ser tora civakî re diyar kiriye ku 5'ê mehê dê panelek li dar bişin û pirtûkan Selahattin Demîrtaş "Dewran" nîqaş bikin. Îro ku biryara berdana Demîrtaş ji dozek hat dayîn, Diken nivîsî ku ew hêvî dikin wê rojê dê Demîrtaş jî li wê derê be.