DiyarName.Com

8 belgefîlmên derhênerên kurd têne nîşandayîn

Di çarçoveya 12'yemîn Rojên Belgefîlman a Stenbolê Documentarist de 8 belgefîlmên derhênerên kurd ên li ser kurdan hatin

Cemil Oguz

Di çarçoveya 12'yemîn Rojên Belgefîlman a Stenbolê Documentarist de 8 belgefîlmên derhênerên kurd ên li ser kurdan hatine kişandin hene. Hin yekem car li vir têne nîşandayîn, hin berê jî hatine nîşandayîn. Ji van didu li ser Heskîfê ne "Aether" û "Şînek ji bo Heskîfê". Her du belgefîlm 20 mehê saet 19'an de li dû hev li heman cihî têne nîşandayîn. Didu li ser du dayikên kurd, yek jê li ser Mirazê ku 30 salan di rojnameya Rya Teze de xebitiye... Her wiha her li ser karkeran, yek li ser windakirina kurdan û yek jî li ser perwendehiya bi kurdî ku kurd bi xwe malên xwe dikin dibistan.

Ev belgefîlmên cur bi cur ên di bernameya Documentarist de me ji bo we dan hev.

Vane ew 8 belgefîlm:

"Diyalog" ê Selim Yildiz

Gelek diyak kurê wan berê xwe dan çiyan û ew jî çavlirê man. Yek ji wan jî dayika Besna ye ku kurê wê Enes çûye. Belgefîlm dikeve nav rêwîtiya jiyana vê dayikê.

Roja nîşandayînê: 15.06.2019, Saet 17.00, Sînemaya Yeşîlçamê

"Dayika Meryem"

"Meryem Ana" (Dayia Meryem) belgefîlmê Hasan Ete ku li ser çîroka Dayika Meryem hatiye kişandin. Dayika Meryem deh zarokên xwe zewicandine, mêrê wê miriye, ligel wê tenê keça wê maye û ji bo bi tenê nemîne wê dane mêr.

Roja nîşandayînê: 16.06.2019, Saet 15.00, Sînemaya Yeşîlçamê

"Miraz"

Sê kesan Aylin Kizil, Lezgin Kanî, Serdar Bayram belgefîlmê bi navê "Miraz" kişandine. Miraz kurdekî ye ku ev 30 sal in di rojnameya Rya Teze de dixebite. Di belgefîlm de çîroka Miraz heta Rya Teze û heta çîroka kurdên êzîdî dertê pêş.

Roja nîşandayînê: 16.06.2019, Saet 19.00 Sînemaya Yeşîlçam

"Her mal dibistanek"

Dema perwerdehiya bi kurdî nîn be dê kurd çi bikin? Ji van kurdê ku xemxurên zimanê kurdî de malên xwe dikin dibistan. Belgefîlmê derhêner Ardîn Dîren jî balê dikişîne ser vê çîrokê.

Roja nîşandayînê: 17.07.2019, Saet 17.00, Sînemaya Yeşîlçamê

"Şeva Xîzê"

"Kumun Gecesi" (Şeva Xîzê) ji aliyê Alî Ergul ve hatiye kişandin. Belgefîlm balê dikişîne ser karkerên ku di atolyeyên kotpantolon de dixebitin ku ev karker ji ber vî karî bi nexweşiya Sîlîkozîs dikevin û dimirin.

Roja nîşandayînê: 19.06.2019, Saet 17.00, Sînemaya Yeşîlçam

"Bîr"

Di salên 1990'an de gelek kurd hatin binçavkirin û windakirin. 7 kesên ji wan ji Kerboranê têne birîn û têne windakirin. Hestiyên wan di bîrê de têne dîtin. Belgefîlm li ser vê bûyerê hatiye kişandin û pêre windakirinên wan salan derdixe pêş. "Bîr" ji aliyê Veysî Altay ve hatiye kişandin.

Roja nîşandayînê: 19.06.2019, Saet 19.00 Sînemaya Yeşîlçam

"Aether"

"Aether" belgefîlmekî derhêner Rûken Tekeş e. Di fîlmê bêdiyalog de derhêner kameraya xwe da ye ber xweza, av û dîmenên Heskîfê û ew kişandine.

Roja nîşandayînê: 20.06.2019, Saet 19.00, Sînemaya Yeşîlçamê

"Şînek ji bo Heskîfê"

"Şînek ji bo Heskîfê" (Hasankeyf'e Agit) belgefîlmê derhêner Firat Erez e. Belgefîlm berê xwe dide Heskîfê ku hikumet dixwaze di bin bendava Ilisûyê de bihêle.

Roja nîşandayînê: 20.06.2019, Saet 19.00, Sînemaya Yeşîlçamê

Têbinî: Ji bo yên bixwazin temaşe bikin hêsantir bibînin li gor dîroka nîşandayîna belgefîlman ev rêzkirina hatiye çêkirin.