DiyarName.Com

'Parasite' xelata Palmiyeya Zêrîn bi dest xist

Di 72'yemîn Festîvala Fîlman a Cannesê de fîlmên bi ser ketin diyar bûn. Derhêner Bong Joon-Ho bi fîlmê xwe "Parasite" X

Diyarname

Di 72'yemîn Festîvala Fîlman a Cannesê de fîlmên bi ser ketin diyar bûn. Derhêner Bong Joon-Ho bi fîlmê xwe "Parasite" Xelata Palmiyeya Zêrîn bi dest xist.

Derhêner Bong Joon-Ho ku berî vî fîlmî bi fîlmên wekî "The Host" û "Rojnivîska Kuştinê" derketibû pêş, di fîlmê xwe "Parasite" de li ser jiyana du malbatên ku xwedî jiyanên cuda ne disekine.

Xelata Mezin a Festîvalê jî derhênera afrîkî Mati Diop bi fîlmê xwe "Atlantics" girt. Li Cannesê "Xelata Mezin" piştî Palmiyeya Zêrîn duyemîn xelata mezin e. Festîvala Fîlman a Navneteweyî ya Cannesê 14'ê mehê dest pê kiribû û îro bi belavkirina xelatan bi dawî bû.

Vane hin xelatên sereke yên hatin belavkirin;

- Palmiyeya Zêrîn: "Parasite" (Derhêner Bong Joon-Ho)

- Xelata Mezin a Festîvalê: "Atlantics" (derhêner Mati Diop)

- Derhênerê Herî Serketî: Jean Pierre û Luc Dardenne (Bi fîlmê "Le jeune Ahmed"/ Ehmedê Ciwan)

- Xelata Juriyê ya Taybet: Ladj LY (bi fîlmê Les Miserables)

- Xelata Juriyê ya Taybet: Kleber Mendonça Filho, Juliano Dornelles (Bi fîlmê "Bacurau")

- Lîstikvanê Herî Serketî: Antonio Banderas (bi rola di "Douleur et Gloire /Êş û Serketin)

- Lîstikvana Herî Serketî: Emily Beecham (Bi rola di "Little Joe" de)

- Senaryoya Herî Serketî: Celine Sciamma (fîlmê Portrait of Lady On Fire)

- Xelata Taybet: Elia Suleiman (bi fîlmê xwe "It Must Be Heaven"

- Kurtefîlmê Herî Serketî: The Distance Between Us And The Sky (derhêner Vasilis Kekatos)
- Xelata Kameraya Zêrîn: Nuestras Madres (Derhêner Cesar Diaz)