Diyarname

Lîstika Şanoya Boyali Kuş a bi navê “Nora/Nûrê” di çarçoveya Festîvala Şanoyê ya Navneteweyî ya Stenbolê de li ser dikê ye.

17’emîn Festîvala Şanoyê ya Navneteweyî ya Stenbolê ku 10’ê vê mehê dest pê kir heta 10’ê meha pêşiya me wê li dar be. Di van 17 salên festîvalê de yekem car festîval lîstikeke bi kurdî dike mêvan. Di vê çarçoveyê de lîstika Şanoya Boyali Kuş a bi navê “Nora/Nûrê” roja 18’ê gulanê saet 20.00’an de, roja 19’ê gulanê jî saet di 15.00’an de wê li Şanogeha Haldun Taner a li Kadikoy bê lîstin.

Koma Şanoyê Boyali Kuş ku li Stenbolê xebatên xwe yên şanoyê didomîne û di nav komên şanoyê yên alternatîf de cih digire yekem car lîstikeke bi kurdî derdixe ser dikê. Komê heta niha zêdetir lîstikên bi mijara femînîzmê derxistine ser dikê û “Nora/Nûrê” ya Henrîk Îbsen jî lîstikek bi vî awayî ye. Lîstik ji aliyê Aydin Orak ve li kurdî hatiye wergeran û derhêneriya lîstikê Jale Karabekir dike.

Kunyeya lîstikê:

Derhêner: Jale Karabekîr
Lîstik: Henrîk Îbsen
Wergera ji bo kurdî: Aydin Orak
Dramaturjî Ferîde Eralp
Lîstikvan: Aydin Orak, Şengul Ozdemîr, Remzî Pamûk, Berîvan Ayaz, Îsmaîl Yildiz

***

Nûçeyên eleqedar:

- Festîvala Şanoyê ya Stenbolê dest pêkir

- Bernameya Festîvala Şanoyê hate pêşkêşkirin