Diyarname

Helbestek heye bi navê "Nesrînê". Helbest aîdê Dîlber Haco ye û di pirtûka wê "Emîna" de hatiye weşandin. Pirtûk ji Weşanxaneya Avestayê derketiye. Û Ciwan Haco bi salan berê ev helbest wekî stran xwendiye. Heta vir her tişt normal e. Tiştê ne normal niha tê: Hunermendekî bi navê Bedran Mardînî heye. Ji Mêrdînê ye lê ji mêrdiniyan dûr. Ev Berdan Mardînî ku di TRT 6'ê de bername çêdike ev stran xwendiye, jêre klîb jî kêriye lê yek ji bo xwendina vê stranê ji xwediya helbestê destûr negirtiye, ya diduyan jî di klîbê de wekî gotin û muzîk ne Dîlber Haco lê "anonîm" (yanê gelêrî) nivîsandiye. Bi gotineke din dizî ye, maf xwariye.

Niha ez pêşî gotinên vê stranê diweşînin û li binî jî bi şêweya Ciwan Haco em stranê pêşkêşî we dikin. Fermo:

NESRÎNÊ

Te ez kuştim te ez kuştim Nesrînê

Dilê min dixwaze te bibînê

Kulîlka sor û şînê

Te ez dîn kirim lê dînê

Te ez pîr kirim şêrînê

Binêre li evîna min û xwe binêre

Buha ye wek zîv û zêr e

Me av da bi dondikê çavan

Me pê da dil û can pê re

Dilê min dixwaze te bibînê

Kûlîlka sor û şînê te ez pîr kirim şêrînê

Çav reşê çav reşê dil geşê

Li ber mala me dimeşe

Por ji rengê şev reşê

Ro wek stêra bi neqşê

Dilê min dixwaze te bibînê

Kûlîlka sor û şînê te ez pîr kirim lê dînê

Te ez kuştim şêrînê

(Ev gotinên Nesrînê ji pirtûka "Emîna" hat girtin)