Diyarname
Êrîşê Ahmet Telli kirin, li Kobanî gel meşiya, PEN'a Navneteweyî Demîrtaş kir endame rûmetê.

Gelê Kobanî: Bila NY were herêmê
Piştî ku Serokê DYA'yê Donald Trump duh got ew dê leşkerên xwe ji Sûriyeyê bikişînin ji duh de ev mesele gelek hat nîqaşkirin. Îro jî bi deh hezaran ji gelê Kobanî çalakiyek li dar xist. Gel heta ber deriyê avahiya Koalîsyona Navneteweyî meşiya û ji gel komek çû hevdîtinê. Komê di hevdîtina xwe ya ligel Koalîsyona Neteweyî de du daxwazên sere kir. Yek jê ji Koalîsyonê xwest biryar bê girtin ku herêma qedexe ji bo balafiran û ya din jî xwest ku Neteweyên Yekbûyî wekî hêza aştiyê were herêmê.

Li Enqereyê êrîşê Ahmet Tellî kirin
Li Enqereyê Koma Pirtûkan a Hacettepeyê li Fakulteya Edebiyatê ya Zanîngeha Hacettepeyê îro bi navê "Di Serdema Komarê de Wêje" gotûbêjek li dar xist. Helbestvan Ahmet Telli wekî axifger beşdar bû. Li ser pirsa "Wijdana civakî çi ye?" Telli bersiva "Wijdana civakê nîn e, çanda lîncê heye" daye. Li ser vê yekê komek bi qasî 35 kesî êrîş kiriye. Sekreterê beşê hatiye salonê û gotiye; "Salonê vala bikin, em nikarin pêşî li yên ber derê bigirin." Ji bo pirsgirêk dernekeve û tiştek bi yên ev gotûbêj amade kirine nebe Telli gotiye ew dixwaze tenê ji salonê derê û wisa kiriye.
Tellî piştî derket ragihand ku 30-35 beredayî li pişt min diruşm diavêtin 'Hacettepe ji bo te dê bibe gor', heta ez siwarê texsiyê bûm jî diruşm diavêtin.

Demîrtaş kirin endamê rûmetê
Kurtedemek berê PEN'a Almanyayê Hevserokê berê yê HDP'ê Selahattin Demîrtaş kiribûn endamê rûmetê, îro jî PEN'a Navneteweyî biryar da ku Demîrtaşî bike endamê rûmetê. Her wiha ji bilî PEN'a Navneteweyî, PEN'a Almanyayê, PEN'a Meksîka û Katalonyayê jî Demîrtaş kir endamê rûmetê.