Diyarname

CHP'ê îro Meclia Partiya xwe li dar xist. Di meclisa xwe de ji bo berendamtiya şaredariyên Enqere û Stenbolê axavîn û di dawiya nîqaşan de dengdan çêbûn. Li gor agahiyên hatine parvekirin di civînê de ji bo Enqereyê Mansur Yavaş berendam hatiye nîşandayîn. Di civînê de 12 endamên Meclisa CHP'ê dij derketine, 45 kesî gotiye rê. Bi vê yekê re Yavaş piştî sala 2014'an careke din bû berendamê şaredariyê yê CHP'ê. Lê vê carê CHP û Îyî Partî berî vê civînê li ser navê Yavaş li hev kiribû.

Meclisa CHP'ê ji bo Stenbolê jî Şaredarê Beylîkduzuya Stenbolê yê niha Ekrem Îmamoglu ji bo Şaredariya Bajarê Mezin a Stenbolê guncav dît. Îmamoglu piştî biryar derket ji ser twittera xwe re wisa nivîsî: "Em ji bo pêşeroja Stenbolê dikevin rê. Ez sipasiya partiya xwe, serokê xwe yê giştî û hemû stenboliyan sipasiyên xwe pêşkêş dikim."