Diyarname

Hunermendê çînî Ai Weiwei li dinyayê navdar e. Ew bi hunera xwe balê dikişîne ser mawên mirovan, balê dikişîne ser azadiyan. Niha rastî êrîşa dewletka xwe Çînê hat.

Li Pekîna Çînê studyoya xebatê ya Ai Weiwei heye û ew xebatên xwe yên hunerî li wir didomîne. Lê 6'ê mehê hin rayedarên hikumetê hatine û studyoyê wî xira kirine. Ai Weiwei ji bo AFP'ê axiviye: "Ketine avahiyê pêşî pencere û derî jêkirine. Tu agahî nedane kesî. Li hundir gelek berhemên hunerî hebûn lê me nekarî yekê jî jê derxin. Ev karakterê civaka otorîter e. Çi bixwazin dikin û yê mecbûr stûyê xwe xar bike dîsa tu yî. Heta niha kesî tu agahî nedaye ku çima xira kirine." Rayedarên Çînê li ser meseleyê tu agahî nedane. Lê Ai Weiwei ji ser instagramê re vîdyoya pencereyên hatine parçekirin belav kiribû.

Ai Weiwei ku bi hunera xwe balê dikişîne ser mawên mirovan par belgefîlmekî hêja li ser koçberan kişandibû û belav kiribû. Belgefîlmê bi navê "Human Flow / Lehiya Mirovan"*li ser koçberan kişandibû. Di salek de li 23 welatan dîmen kişandibû û kiribû belgefîlm.

***

*Nûçeya Eleqedar:

- Di 'Lehiya Mirovan' de yên bê cih û war